သခင်နု (၂)

သခင်နု (ဦးနု) သည် မြန်မာနိုင်ငံလွတ်လပ်ရေးရပြီးချိန်မှစကာ ၁၉၆၂ ခုနှစ် ဗိုလ်ချုပ်ကြီးနေဝင်း ဦးဆောင်သည့် မြန်မာ့တပ်မတော်မှ အာဏာသိမ်းယူသည့်အချိန်ထိ၊ ၁၉၄၇ခုနှစ် ဖွဲ့စည်းပုံအခြေခံဥပဒေအရ ပါလီမန် ဒီမိုကရေစီ စနစ် ကျင့်သုံးခဲ့သည့် ကာလပတ်လုံးတွင် နေလတစ်ပါးနှယ်ထင်ရှားသည့် မြန်မာ့နိုင်ငံရေးခေါင်းဆောင် တစ်ဦးဖြစ်သည်။

ငယ်စဉ်ဘ၀

ဦးနုကို အဖ ဦးစံထွန်း၊အမိ ဒေါ်စောခင်တို့မှ ၁၉၀၇ ခုနှစ်၊မေလ၊၂၅ ရက် စနေနေ့၌ မြောင်းမြခရိုင်၊ ၀ါးခယ်မမြို့ တွင် မွေးဖွားသည်။ မွေးချင်းနှစ်ဦးတွင် အကြီးဆုံးဖြစ်၍ ညီငယ်အမည်မှာ မောင်ဥ ဖြစ်သည်။

၁၉၂၀ ခုနှစ်၊ တက္ကသိုလ်ကျောင်းသားသပိတ်တွင် ၀ါးခယ်မမြို့အစိုးရကျောင်း၌ ပဉ္စမတန်းမှ ပါဝင်ခဲ့သည်။ ၆-တန်း၌ ပညာသင်ကြားနေစဉ် ၀ါးခယ်မ အမျိုးသားကျောင်းတွင် ဆရာ အခက်အခဲ ရှိနေ၍ ဆရာတစ်ဘက် ကျောင်းသားတစ်ဘက် ဆောင်ရွက်ခဲ့သည်။

၁၉၂၅-ခုနှစ်တွင် ရန်ကုန် မြို့မ အထက်တန်းကျောင်းမှ ဆယ်တန်းအောင်မြင်ခဲ့ပြီး၊ ရန်ကုန်တက္ကသိုလ် ဆက်တက်ခဲ့သည်။

၁၉၂၉-ခုနှစ်တွင် ရန်ကုန်တက္ကသိုလ်မှ ဘီ.အေ (၀ိဇ္ဖာ)ဘွဲ့ကို ရယူခဲ့သည်။ မြန်မာနိုင်ငံလုံးဆိုင်ရာ လူငယ်များအစည်းအရုံး တည်ထောင်ရာတွင် ကမကထလုပ်၍ ပါဝင်ခဲ့သည်။ဦးသန့်၏ တိုက်တွန်းချက်အရ ပန်းတနော်မြို့ အမျိုးသားကျောင်းတွင် ကျောင်းအုပ်အဖြစ် တာဝန် ထမ်းဆောင်သည်။ သုံးခွမြို့ အမျိုးသားကျောင်းသို့ ကျောင်းအုပ် အဖြစ် ပြောင်းရွေ့ခဲ့သည်။ ပန်းတနော်မြို့ အမျိုးသားကျောင်း ကော်မတီ ဥက္ကဌသမီး ဒေါ်မြရီ နှင့် အိမ်ထောင်ကျသည်။ ပန်းတနော် အမျိုးသားကျောင်းတွင် ပြန်လည်၍ တာဝန် ထမ်းဆောင်သည်။ ဦးနုတွင် သားနှစ်ဦး၊ သမီး နှစ်ဦး မွေးဖွားခဲ့သည်။ သားအကြီးမှာ ဦးသောင်းထိုက်ဖြစ်ပြီး ယခုအခါ အမေရိကန်တွင် နေထိုင်သည်။

နိုင်ငံရေး

၁၉၃၄ ခုနှစ်တွင် B.L ခေါ် ဥပဒေတန်း တက်သည်။ တက္ကသိုလ် သမဂ္ဂ အမှုဆောင်အဖြစ် ရွေးချယ်ခံရသည်။

၁၉၃၅ ခုနှစ်တွင် တက္ကသိုလ် သမဂ္ဂ ဥက္ကဌအဖြစ် ရွေးချယ်ခံရသည်။ B.L (ဥပဒေဘွဲ့)ရရှိသည်။

၁၉၃၆ ခုနှစ်တွင် တက္ကသိုလ်ကျောင်းသား သပိတ်ကို ဦးဆောင်ခဲ့သည်။ ကျွန်ပညာကို အလိုမရှိ ဟူသောသဘောဖြင့် B.A ဘွဲ့ကို ပြန်အပ်သည်။

လွတ်လပ်ရေးကြိုးပမ်းမှုကာလ

ဦးနုသည် ရန်ကုန်တက္ကသိုလ်ကျောင်းသား ဘ၀ကပင် နိုင်ငံရေးလှုပ်ရှားမှုများတွင် တက်ကြွစွာ ပါဝင်ခဲ့ပြီး ရန်ကုန်တက္ကသိုလ်ကျောင်းသားသမဂ္ဂတွင် ဥက္ကဌ ရာထူးဖြင့် တာဝန်ယူခဲ့ဖူးသည်။ ထိုစဉ်က အတွင်းရေးမှုးမှာ အောင်ဆန်း ဖြစ်သည်။ ၁၉၃၀ အရောက်တွင် ဒို့ဗမာအစည်းအရုံး ၀င်များဖြစ်လာပြီး သခင် အမည်ကိုခံယူခဲ့ရာမှ သခင်နု ဟုထင်ရှားလာခဲ့သည်။၁၉၃၇ တွင် သခင်သန်းထွန်း နှင့်ပူးပေါင်းကာ အမျိုးသားရေး နှင့် လက်ဝဲဆန်သည့် နဂါးနီစာအုပ်တိုက် ကိုထူထောင်ခဲ့သည်။ ပြည်သူ့အရေးတော်ပုံပါတီ ကို တည်ထောင်သူတစ်ဦး အနေဖြင့် ဆက်လက်ထင်ရှားလာပြီး မကြာမီတွင် ပြည်သူ့ အရေးတော်ပုံပါတီသည် ဆိုရှယ်လစ်ပါတီအဖြစ်ပြောင်းလဲသွားသည်။ ဂျပန်ခေတ်လွန် ကာလများတွင် ဖ.ဆ.ပ.လ အဖွဲ့ချုပ်တွင် ပါဝင်လှုပ်ရှားကာ တိုင်းပြုပြည်ပြုလွှတ်တော်တွင် ဥက္ကဌအဖြစ် တာဝန်ယူခဲ့ပြီး ဗိုလ်ချုပ်အောင်ဆန်း နှင့်တကွ အာဇာနည်ခေါင်းဆောင်ကြီးများ ၁၉၄၇၊ဇူလိုင်လ ၁၉ရက်နေ့တွင် လုပ်ကြံခံခဲ့ရသဖြင့် လွှတ်တော် ဥက္ကဌအဖြစ်မှ ဖ.ဆ.ပ.လ အဖွဲ့ချုပ် ခေါင်းဆောင်အဖြစ် နိုင်ငံလွတ်လပ်ရေးအတွက် ဗိုလ်ချုပ်အောင်ဆန်း လုပ်ဆောင်ဆဲဖြစ်သည့် အင်္ဂလိပ်တို့နှင့် ဆက်လက် ဆွေးနွေးရေးကို ဆောင်ရွက်ခဲ့သည်။

နိုင်ငံခေါင်းဆောင် ကာလ

လွတ်လပ်ရေးရသည်နှင့်တပြိုင်နက် မြန်မာနိုင်ငံ၏ ပထမဆုံး ၀န်ကြီးချုပ်မှာ ဦးနုပင် ဖြစ်လာခဲ့သည်။ သို့သော် နုနယ်သည့် နိုင်ငံတစ်ခု၏ ကြုံတွေ့ရသည့် အခက်အခဲ များလှသည် ဖြစ်သကဲ့သို့ ဦးနု တစ်ယောက် ရင်ဆိုင်ရသည့် နိုင်ငံရေးအကျပ်အတည်း များမှာလည်း မနည်းလှပေ။ ဈေးဦးပေါက် ရင်ဆိုင်ရသည့် အခက်အခဲမှာ ကရင်တို့၏ ခွဲထွက်ရန် ကြိုးပမ်းမှုများ ဖြစ်သည်။ မြန်မာ့တပ်မတော် အတွင်းရှိ ကရင်တပ်သားများ လက်နက်နှင့်တကွ တောခိုကာ ပုန်ကန်ကြသည်။ တရုတ်နိုင်ငံတွင် ပြည်တွင်းစစ်ဖြစ်ပွားခြင်းကြောင့် စစ်ရှုံး တရုတ်ဖြူ (ကူမင်တန်) တပ်များ အရှေ့တောင်အာရှ နိုင်ငံများအတွင်း ဆုတ်ပြေးရာမှ မြန်မာနိုင်ငံမြောက်ပိုင်းဒေသများတွင်လည်း ၄င်းတို့တပ်များလာရောက် ကျူးကျော် တပ်စွဲထားသည်ကို တိုက်ထုတ်ရသေးသည်။ ထို့နောက် ပြည်တွင်းရှိ ဗမာပြည်ကွန်မြူနစ်ပါတီ နှင့် ၄င်း၏ ပါတီကွဲများ အန္တရာယ်မှာ ရှေ့တန်း ပြဿနာတစ်ရပ် ဖြစ်လာပြန်သည်။ ထိုသို့ဖြင့် ဆန့်ကျင်ဖက်ပါတီအဖွဲ့များကြောင့် ပြည်တွင်းစစ် ဖြစ်ပွားရ တော့မည့် အခြေအနေတွင် ဖ.ဆ.ပလ အဖွဲ့ချုပ်အတွင်း တွင်လည်း ဦးဗိုလ် အုပ်စု သခင် အုပ်စုများ ကွဲကြပြီး နောက်ဆုံးတွင် ဦးနု၊ ဦးတင်(သခင်တင်)တို့ ဦးဆောင်သည့် နုတင်အုပ်စု နှင့် ဦးဗဆွေ၊ ဦးကျော်ငြိမ်းတို့ ဦးဆောင်သည့် ဆွေငြိမ်း အုပ်စု ဟူ၍ အုပ်စုကြီး နှစ်ခု သိသာစွာပင် ကွဲကြပြီး ပြိုင်ဆိုင်မှုများ ပိုမိုပြင်းထန်လာတော့သည်။ ထူးခြားချက်မှာ ထိုစဉ်က နိုင်ငံရေးတွင် လူသိမများလှသည့် ဦးသန့်မှာ ဦးနုအစိုးရအဖွဲ့တွင် ဦးနု၏ တိုက်တွန်းချက်ဖြင့် အတွင်းဝန်ရာထူး ထမ်းဆောင်ခဲ့ခြင်း ပင်ဖြစ်သည်။ နောင်တွင် တည့်တည့်မှန်မှန် လုပ်တတ်သော၊ မှန်သည်ထင်လျှင် အလျော့မပေးတတ်သော ဦးသန့် နှင့် တိုင်းပြည် ခေါင်းဆောင်ဖြစ်သည့် ဦးနုတို့ မသင့်မမြတ်ဖြစ်ရာမှ ၁၉၅၇ ခုနှစ်တွင် ဦးသန့်အား ကုလသမဂ္ဂဆိုင်ရာ မြန်မာသံအမတ်ကြီးအဖြစ် ခန့်အပ်ကာ တာဝန်ထမ်းဆောင်ရန် အမေရိကန် ပြည်ထောင်စု၊ နယူးရော့ခ်မြို့သို့ စေလွတ်ခဲ့သည်။

သို့ဖြင့် ၁၉၅၆ ဇွန်လ တွင် ၀န်ကြီးချုပ်အာဏာကို ပြိုင်ဖက်ဖြစ်သူ ဦးဗဆွေအား တစ်နှစ်ကြာလွဲပေးခဲ့ရသည်။တစ်နှစ်ပြည့်သည့် ၁၉၅၇ ဇွန်လတွင် နုတင်အုပ်စု က သန့်ရှင်း ဖ.ဆ.ပ.လ ဟူ၍လည်းကောင်း၊ဆွေငြိမ်း အုပ်စုက တည်မြဲဖ.ဆ.ပ.လ ဟူ၍လည်းကောင်း သီးခြားယှဉ်ပြိုင်ရာ သန့်ရှင်း ဖ.ဆ.ပ.လ ရွေးကောက်ပွဲအနိုင်ရသဖြင့် ဦးနုတစ်ယောက် ၀န်ကြီးချုပ် ရာထုးကို ပြန်လည်ရယူခဲ့ပြန်သည်။ သို့သော် ၁၉၅၈ စက်တင်ဘာ ၂၆ ရက်နေ့တွင် တစ်နေ့တစ်ခြားဆိုးရွားလာသည့် တိုင်းပြည်၏အခြေအနေကို ထိန်းသိမ်းနိုင်ရန်အတွက် ကာကွယ်ရေးဦးစီးချုပ် ဗိုလ်ချုပ်ကြီးနေ၀င်းအား ဖွဲ့စည်းပုံအခြေခံ ဥပဒေ တွင်ပြဌာန်းထားရှိသည့် အတိုင်းအာဏာလွဲအပ်ကာ အိမ်စောင့်အစိုးရအဖွဲ့ ကိုဖွဲ့စည်းစေခဲ့သည်။

ထိုအိမ်စောင့်အစိုးရ၏ သက်တမ်းမှာ ၁၂ လ(တစ်နှစ်)အထိသာပြဌာန်းထားသော်လည်း အခြေအနေ အကြောင်းအကြောင်း ကြောင့် ၁၇ လ အထိကြာမြင့်ခဲ့ရသည်။ သို့ဖြင့် ၁၉၆၀၊ဖေဖော်ဝါရီလ တွင် အထွေးထွေရွေးကောက်ပွဲကျင်းပရာ ဦးနုဦးဆောင်သည့် ပြည်ထောင်စုပါတီ(ပ.ထ.စ) အောင်ပွဲခံနိုင်ခဲ့ပြီး ဦးနုလည်း ၀န်ကြီးချုပ်အဖြစ် သုံးကြိမ်မြောက် ရွေးချယ်ခံရပြန်သည်။

သို့သော် ပြည်ထောင်စုမှ ခွဲထွက်ရန် ကရင်တို့ အကြီးအကျယ် သူပုန်ထခြင်း၊ ရှမ်းစော်ဘွားများက ပင်လုံစာချုပ်ပါအချက်များကို ထောက်ပြကာ ခွဲထွက်ခွင့်အတွက် ဖယ်ဒရယ်မူ(ရှမ်းမူ)ကို စုပေါင်းရေးဆွဲကာ တင်သွင်းရန် ကြိုးပမ်းလာသည့်အတွက် ၁၉၆၂-ခုနှစ် မတ်လ ၂ ရက်နေ့တွင် ကာကွယ်ရေးဦးစီးချုပ် ဗိုလ်ချုပ်ကြီးနေဝင်း ဦးဆောင်သည့် မြန်မာ့တပ်မတော်က အာဏာသိမ်းယူလိုက်သဖြင့် ဦးနုသည် ၀န်ကြီးချုပ်အဖြစ်မှ ဖြုတ်ချခံလိုက် ရတော့သည်။

ကွယ်လွန်ခြင်း

၁၉၉၅-ခုနှစ်၊ ဖေဖော်ဝါရီလ(၁၄)ရက်တွင် အသက် (၈၇)နှစ် အရွယ်ရှိ ဦးနုသည် ရန်ကုန်မြို့နေအိမ်၌ ကွယ်လွန်သည်။ သားသမီးများမှာ ဒေါ်စန်းစန်းနု၊ ဒေါ်သန်းသန်းနု တို့ဖြစ်သည်။