27 Feb 2013

ကုလား - ဗမာ တိုက်ပွဲ (မောင်သိန်းဖေ)


"ကုလား-ဗမာ တိုက်ပွဲ" ခေါင်းစဉ် မြင်ရုံမျှဖြင့် ဘာသာရေးတိုက်ပွဲ ဘာသာရေးလှုံ့ဆော်သော စာအုပ်ဟု အထင်မှားနေမှုများအား ပြေပျောက်ရန် အလို့ငှါ တင်ပြလိုက်ပါသည်။ သေချာစွာဖတ်ရှူကြပါကုန်။

စင်စစ် ဤစာအုပ်သည် ကုလား-ဗမာ အဓိကရုဏ်းသည် ဦးရွှေဖီ၏ ဘာသာရေးစာအုပ်ကြောင့် ဖြစ်သည် ဟူသော အင်္ဂလိပ်အစိုးရ၏ ကောက်ချက်ကို ချေပထားပြီး လူမှုရေး၊ စီးပွါးရေး၊ နယ်ချဲ့ပယောဂ အဖုံဖုံကို ဆက်နွယ်သုံးသပ်ထားသော စစ်တမ်းတစောင်ဖြစ်သည်။  

ကုလားဆင်းရဲသားတို့ ရေနံမြေသပိတ်ကြီးတွင် ပူပေါင်းပါဝင်ပုံကို ဖော်ပြထားသည်။ နိဂုံးချုပ်တွင် ကုလားပြည် ကွန်ဂရက်ပါတီနှင့် ပူပေါင်းပြီး လွတ်လပ်ရေး အတူတကွ တိုက်ပွဲဝင်ရန် အထိ ရည်ရွယ်ထားသည်ကို တွေ့ရမည်။

================================================
























 


21 Feb 2013

ဗမာ့လွတ်လပ်ရေး အခမ်းအနား ( ၁၉၄၃) ပန်းချီ

Ryohei Koiso ၁၉၄၄ ဗမာ့လွတ်လပ်ရေးအခမ်းအနား။
===================================
http://blogs.yahoo.co.jp/w111412002/29446982.html
(မူရင်းအရေးအသားအတိုင်း ဘာသာပြန်ထားခြင်း ဖြစ်သည်။ သတ်ပုံ၊ ဝါကျဖွဲ့စည်းပုံ မှားယွင်းလွဲချော်ပါက အကြံပြုပေးပါ။မူလက ဓာတ်ပုံသက်သက် တင်ပြရန်ရည်ရွယ်သော်လည်း ဂျပန်တို့၏ အမြင်မှာ တမူထူးခြားနေသဖြင့် တတ်နိုင်သမျှ ဘာသာပြန်ပေးလိုက်ပါတယ်။) 

၂၀၁၂ မတ် ၅ ရက်။ Ryohei Koisoရဲ့ ၁၉၄၄ ဗမာ့လွတ်လပ်ရေးအခမ်းအနား ပန်းချီတွေကို ကြည့်ဖို့ အမျိုးသားခေတ်သစ်အနုပညာပြတိုက်သို့ မနေ့က ရောက်ခဲ့တယ်။

၁၉၄၁ ဒီဇင်ဘာ ၈ မှာ မဟာအရှေ့အာရှစစ်ပွဲဟာ ပုလဲဆိပ်ကမ်းက စတင်တယ်။ စင်္ကာပူ နဲ့  မြန်မာက လွတ်လပ်ရေးကြိုးပမ်းနေတယ်။ အမေရိကန်နဲ့ ဗြိတိသျှတို့ကို ပိတ်ဆို့တားဆီးဖို့ တရုတ်အမျိုးသားတပ်မတော် (လက်နက်တပ်ဆင်ပြီး) နဲ့ ဘီအိုင်အေ ဗမာ့လွတ်လပ်ရေးတပ်မတော် (စတင်တည်ထောင်)တို့ ကူညီကြတယ်။

 

အင်္ဂျင်နီယာချုပ်၊ ဗိုလ်မှူးကြီး ဆူဇူကီး (ဗိုလ်မိုးကြိုး )


ဗိုလ်မှူးကြီး ဆူဇူကီး  နှင့် ဗမာ့လွတ်လပ်ရေးတပ်မတော် တည်ထောင်သူများ ။


(ဗိုလ်ချုပ်) အောင်ဆန်း နှင့် နေဝင်း ( ၁၉၆၂မှာ စစ်အာဏာသိမ်းပြီး မြန်မာ့နည်းမြန်မာ့ဟန် ဆိုရှယ်လစ်နိုင်ငံ ထူထောင်သူ)

နိပွန်ဧကရာဇ်တပ်မတော် ဒုတိယ ဗိုလ်ချုပ်ကြီး လီဒ ရဲ့ ကြည်းတပ် ( ဗမာနိုင်ငံထဲ မဝင်မီ)


၁၉၄၂ မတ် ၉ ။ ရန်ကုန်ကို သိမ်းပိုက်။


 ၁၉၄၃ ဩဂတ် ၁ ။ ဗမာ့လွတ်လပ်ရေး







 ၁၉၄၃ ဩဂတ် ၁ ။ ဗမာ့လွတ်လပ်ရေး

" သမိုင်းစဉ်ဆက် ရှည်ကြာစွာ တည်တံ့ခဲ့သော်လည်း၊  ဗြိတိသျှတို့၏ အနှစ် ၅၀ ကျော်  သိမ်းပိုက်ခြင်း ခံရခဲ့ရသည်။ ဗမာနိုင်ငံသည် ယနေ့မှ စ၍ လွတ်လပ်ရေးကို ကြေညာသည်။ အချုပ်အခြာ အာဏာပိုင်သော၊ လွတ်လပ်သော အခြေအနေသို့ တဖန်ပြန်လည်ရောက်ရှိသည်။ "

အင်ဖာစစ်ဆင်ရေးမှာ ဒုတိယ ဗိုလ်ချုပ်ကြီး မုတ ရဲ့ နိပွန်တပ်တွေ ချေမှုန်းခံရတယ်။

ဗမာ့တပ်မတော်ဟာ နိပွန်တပ်တွေ နဲ့ အတူ စစ်ပွဲပါဝင်ရင်း ၁၉၄၅ မတ် ၂၇ မှာ ဗိုလ်ချုပ် အောင်ဆန်းဟာ နိပွန်ကို သစ္စာဖောက်ခဲ့တယ်။  ဗြိတိသျှတို့ ကြိုးကိုင်မှုနဲ့ လုပ်ကြံခံရတယ်။

"၁၉၄၈ ဇန်နဝါရီ ၄ ထက် စောစီးစွာ ဗမာ့အာရုံဦးဟာ မှန်ကန်တဲ့ လွတ်လပ်ရေးနဲ့အတူ ၁၉၄၃ မှာ ဖန်တီးခဲ့ကြပါတယ်" ဟု ဝန်ကြီးချုပ်ဟောင်း မိုဘာက ၁၉၆၈ မှာ ပြောခဲ့တယ်။ " နိပွန်စစ်ပွဲဟာ ဂုဏ်ယူစရာကောင်းတာ မမေ့ကြပါနဲ့။ မဟာအရှေ့အာရှကြေညာချက်ဟာ (ဗမာ့ လွတ်လပ်ရေး တပ်မတော်အပါအဝင် *) တောင်ပိုင်းအဖွဲ့အစည်း စစ်သားတွေနဲ့  ဗိုလ်မှူးကြီး ဆူဇူကီးတို့ အကြားမှာ ရဲ့ ရင်းနှီးချစ်ကြည်မှုနှင့်အတူ အမှန်တကယ် ပြန့်နှံ့သက်ဝင်ယုံကြည် ကြတယ်။ အာရှတိုက်ကြီး တဝက်လောက် ချေမှုန်းခံရသည့်တိုင် လူထုအများစုရဲ့ သစ္စာရှိမှု၊ ကျေးဇူးတင်မှုကို မဖယ်ရှားနိုင်ပါဘူး။ဘယ်လိုမှ  ဖြိုဖျက်ဖို့ မလွယ်ကူတဲ့ ကိုလိုနီစနစ်အောက်က ပြည်သူတို့ လွတ်မြောက်ရေးအတွက် နိပွန်တို့ဟာ မြင့်မြင့်မားမား အရေးပါခဲ့တယ်။


14 Feb 2013

အစိုးရ ဆိုတာ (ဗိုလ်ချုပ်အောင်ဆန်း)



သမ္မတနိုင်ငံ ထူထောင်မယ် ကိုင်း . . . လွတ်လပ်တဲ့ ဗမာပြည် ဆိုတော့ ဘယ်လို ဗမာပြည်မျိုးလဲ။
သမ္မတနိုင်ငံလား၊ ရှင်ဘုရင်စံနစ်နဲ့ အုပ်ချုပ်မဲ့ နိုင်ငံလား ဒီမေးခွန်းပေါ်လာတယ်။

ဒီတော့ဒီမေးခွန်းကို တိုတိုဘဲ ဖြေပါဆိုယင် သမ္မတနိုင်ငံလိုချင်တယ်လို့ တိုတိုဘဲ ဖြေရုံဘဲ။ဒါပေမဲ့ ကျွန်တော်က ဒီလောက် တိုတိုဖြေချင်ဘူး။

လိပ်ပတ်လည်အောင် အစိုးရ (State) ဆိုတဲ့ သဘောတရားနဲ့ ပက်သက်ပြီး ဆွေးနွေးချင်တယ်။

ဒီ“အစိုးရ” ဆိုတဲ့ သဘောတရားနဲ့ပက်သက်ပြီး ဆွေးနွေးချင် တယ်။ ဒီ “အစိုးရ” ဆိုတဲ့ သဘောတရားနဲ့ပက်သက်ပြီး ရှေးက တရုပ်၊ အိန္ဒိယ၊ ခေါမ၊ ရောမခေတ်ကစပြီး ကနေ့ အထိ သဘောအမျိုးမျိုး ပေါ်ခဲ့တယ်။ အခုခေတ်မှာတော့ ကားလ်မတ်ဆိုတဲ့ပုဂ္ဂိုလ်ကစတဲ့ မတ်ဝါဒတွေရဲ့ သဘော တရားဟာ တဖြေးဖြေး ခေတ်စားလာတယ်။ အဲဒီ ၀ါဒဟာလဲ အဆုံးစွန် တရားမဟုတ်သေးဘူး။ ရှာတုန်း၊ ဖွေတုန်း၊ တိုးတက်တုန်းဘဲ။

အဲဒီလို သဘောအမျိုးမျိုး ဆိုပေမဲ့ နိုင်ငံရေးဟာ စီးပွားရေးအုတ်မြစ်ပေါ်မှာ တည်တယ်ဆိုတာကို တော့ ဘယ်သူမှ မငြင်းနိုင်တော့ပါဘူး။ လူရယ်လို့ ဖြစ်လာယင် လူဟာစားရမယ်၊ ၀တ်ရမယ်၊ နေရမယ်။ အဲဒီအစား၊ အ၀တ်၊ အနေ အထိုင်နဲ့ပတ်သက်ပြီး လူရဲ့လိုတဲ့ ၀တ္ထုပစ္စည်းအသုံးအဆောင်တွေကို ရှာကြံတဲ့အခါကျတော့ လူသုံးပစ္စည်းလုပ်ငန်း စနစ်တွေပေါ်လာ တယ်။ အဲဒီ ပစ္စည်း စနစ်တွေပေါ်လာတဲ့အခါ လူအချင်းချင်း ဆက်ဆံပေါင်းသင်းမှု စနစ်ဟာလဲ ပေါ်လာတယ်။ လူတန်းစားခြားနားလာကြတယ်။ အဲဒီလို ခြားနားလာကြရာက အကျိုးချင်း ကွဲပြားပြီး ပဋိပက္ခဖြစ်လာကြတယ်။

ဒီ ပဋိပက္ခဖြစ်တာတွေကို ကြီးတဲ့ငယ်အောင်၊ ငယ်တဲ့အမှု ပလပ်အောင် လုပ်ဖို့ဆိုပြီး အစိုးရဆိုတာကို လူတွေက တင်မြှောက်တယ်။ တင်မြှောက်တုန်းကတော့ လူတွေကဘဲ။ ဒါပေမဲ့ နောက်ကျတော့ လူ့အထက်ရောက်သထက် ရောက်ပြီး လူတွေအထဲက ပေါ်ခဲ့တဲ့ အစိုးရဟာ မိုးကျရွှေကိုယ်ဘ၀ရောက်သွားတယ်။ အဲဒီဘ၀ကစပြီး အစိုးရဆိုတာ လူတွေက အာဏာအပ်လို့ ဖြစ်တာပါလားဆိုတဲ့ သဘာဝဟာ လုံးလုံးပျောက်သွားတာဘဲ

အဲဒီ ရှင်ဘုရင်စနစ်လို သားစဉ် မြေးဆက် ဆက်ခံတဲ့ အစိုးရမျိုးကျတော့လဲ ဘာပြောစရာ ရှိတော့မလဲ။ တခါထဲ အစိုးရဆိုတာ ဘုန်း ကံကြောင့် (Divne Right of King) ဆိုပြီးတောင် တခါတုန်းက အယူဖြစ်တဲ့အထိ အစိုးရရဲ့မူလ ဘ၀ဟာ ပျောက် ခဲ့တာဘဲ။

အဲဒီမှာ ပြောချင်ကြလိမ့်အုံးမယ်။ ဒါက ရှေးရှင်ဘုရင်တွေပါ။ အခု ရှင်ဘုရင်တွေကတော့ အာဏာလဲမရှိတော့ပါ ဘူး။ ဖွဲ့စည်းအုပ်ချုပ်ပုံ ဥပဒေအတိုင်း အုပ်ချုပ်ရတာပါလို့ ပြောကြလိမ့်မယ်။

ကောင်းပြီ။ ရှင်ဘုရင်ဆိုယင် သားစဉ် မြေးဆက် ဆက်ခံရလိမ့်မယ်။ အဲဒီလို မှူးတွေမတ်တွေ ရှိရလိမ့်မယ်။ အင်္ဂလန်မှာဆိုယင် ဒီအတိုင်းဘဲမဟုတ်လား။

မှူးတွေ မတ်တွေဆိုပြီးအချောင်ပွနေသလောက် ပွနေကြတာ (House of Lords) မှူးတွေ မတ်တွေ လွှတ်တော် ဆိုပြီး အဆာကျယ်နေကြတာ သူတို့တတွေဘဲ။

အာဏာ ရှိတာမရှိတာကို အပထားပြီး သူတို့တတွေကို ဒီလို ရှိတာဟာ လူလူချင်း အတူတူဘဲဆိုတဲ့ သဘောတရားကို ဖုံးလွှမ်းနိုင်သမျှ ဖုံးလွှမ်းနိုင်အောင် လုပ်ပြီး၊ နောက်ဆုံးကျတော့ လူတွေက ပေးထားတဲ့ အစိုးရအာဏာကို အချောင်ကော်နိုင်အောင် စီစဉ်ထားတာတွေဘဲ။

အာဏာဆို တာလဲ မရှိဘူး မဟုတ်ပါဘူး။ ဗြောင်သာ သိပ်မရှိတယ်။ သွယ်ဝိုက်တဲ့နည်း၊ စီးပွားရေးနည်း၊ ဟိတ်လုံး ဟန်လုံး နည်းတွေနဲ့ အများကြီးဘဲ။ သူတို့အာဏာရှိနေကြတာဘဲ၊
ပြီးတော့ ဒီရှင်ဘုရင်စံနစ်ဆိုတာမျိုးဟာ အချောင်တိုင်းပြည် ပိုက်ဆံကုန်တဲ့ရာထူးတွေ တော်တော်ဘဲရှိတယ်။

ဒီတော့ လူတွေက တင်မြှောက်တဲ့ “အစိုးရ”ဆိုတာဟာ လူတွေရဲ့အစိုးရ ပြည်သူတွေရဲ့အစိုးရ၊ ပြည်သူတွေနှင့် အလှမ်းမဝေးဘဲ အမြဲလက်တွဲနေတဲ့အစိုးရ၊ ဖြစ်မှသာလျှင် သဘောတရားအတိုင်းကိုက်ညီမယ်လို့ ကျွန်တော်ထင်တယ်။

အဲဒီသဘောတရားနဲ့ ဖြောင့်ဖြောင့်ကြီးဆန့်ကျင် တဲ့ သားစဉ်မြေးဆက် ဆက်ခံသွားတဲ့ ရှင်ဘုရင်စနစ်ကို မလိုချင်ဘူး။

ဒီမိုကရေစီဝါဒအစစ်ကိုသာ ဖန်တီးမယ် အဲဒီတော့ သမ္မတ စံနစ်ကို လိုချင်တယ်။ သမ္မတစနစ်ဟာ တိုင်းသူပြည်သားတွေသာလျင် အရင်းခံမူလဘူတ ဖြစ် တယ်ဆိုတဲ့ သဘာဝကို ပြန်ဖော်တယ်။ လူလူချင်း အတူတူဘဲဆိုတဲ့သဘာဝကိုပြန်ဖော်တယ်။
ဒါပေမဲ့တခုသတိ ပြုရမယ်။ “အစိုးရ” ဆိုတဲ့ အာဏာဟာ အင်မတန် အဖိုးတန်အသုံးဝင်တယ်။ အဲဒီအာဏာကိုလဲ ပစ္စည်းအင်အားကောင်းတဲ့ လူတွေအချင်းချင်းလုကြတယ်။ ရယင်လဲ လက်မလွှတ်ချင်ဘူး။ တိုင်းသူပြည်သားတွေ ဆိုတာကတော့ အဲဒီထဲမှာ ဒုတ်လုပ်ပြီး အရိုက်ခံရမဲ့အခါကျမှ ပါရတာဘဲ။ ဒီလို အာဏာလုကြတဲ့အ ခါ “ ဒီမိုကရေစီ” ဆိုပြီး “ပြည်သူ့ဆန္ဒ၊ ပြည်သူ့အာဏာ” လို့ကြွေးကြော်ဟစ်အော်ပြီး၊ ညာတဲ့စနစ်တွေလဲရှိတယ်၊

လူတွေက တိုင်းသူပြည် သားတွေက “အစိုးရ”အာဏာအပ်လိုက်တုန်းက ကျုပ်တို့အတွက်ကောင်းအောင်လုပ်ပေးပါဆိုပြီး အာဏာအပ်လိုက်တာဘဲ။ ဒါပေမယ့် ကျုပ်တို့ကို ခင်ဗျားတို့ အုပ်စိုးတဲ့လူတွေအတွက် နှိပ်ကွပ်အုပ်ချုပ်ပါဆိုတဲ့အချက်သာ ဖြစ်နေတာဘဲ။

လူတွေက တင်မြှောက်ပြီး

လူတွေရဲ့အကျိုးကို လုပ်တဲ့

လူတွေရဲ့အစိုးရသာလျှင်

ဒီမိုကရေစီ ဖြစ်နိုင်မယ်။

အခြားဟာတွေဒီမိုကရေစီ အစစ် မဖြစ်နိုင်ဘူး။ အတုတွေ သာဖြစ်တယ်။

ဖ၊ ဆ၊ ပ၊ လ ပဏာမ ပြင်ဆင်မှု ညီလာခံ မိန့်ခွန်းမှ ကောက်နှုတ်တင်ပြသည်

( ၁၉၄၆ ခု၊ စက်တင်ဘာလ ၂၇ ရက်နေ့တွင် (ဖဆပလ) အဖွဲ့ချုပ် ဗဟိုဦးစီး အဖွဲ့၏ သဘောတူညီချက်အရ၊ ဗိုလ်ချုပ်အောင်ဆန်းက ခေါင်းဆောင်၍ ယာယီ အမှုဆောင် အစိုးရ အဖွဲ့ကို ဖွဲ့စည်းခဲ့သည်။ အစိုးရအဖွဲ့ ဖွဲ့စည်းပြီး ၍ တလခွဲမပြည့်မီ ၁၉၄၆ ခု၊ နိုဝင်ဘာလ ၈ ရက်နေ့ တွင် ဗိုလ်ချုပ်အောင်ဆန်း အစိုးရ အဖွဲ့က အရေးကြီးသော ကြေညာချက်တစ်စောင် ထုတ်ပြန်လေသည်။ ယင်းကြေညာချက်မှာ “ ဗြိတိသျှအစိုးရက မြန်မာပြည် လွတ်လပ် ရေးကို ကြေညာရန်နှင့် မကြေညာက အစိုးရတဖွဲ့လုံး နုတ်ထွက်မည်” ဟူသော ကြေညာချက်ဖြစ်၏။ ထိုကြေညာ ချက်အရ ဗြိတိသျှအစိုးရက ကြေညာချက်တစ်ရပ် ထုတ်ပြန်ပြီးလျှင် ဗိုလ်ချုပ်အောင်ဆန်းတို့ကို ဘိလပ်သို့ ဖိတ် ခေါ် ဆွေးနွေးရ၏။ “အောင်ဆန်းအက်တလီစာချုပ်” ချုပ်ဆိုခဲ့ကြသည်။ ယင်းစာချုပ် အပိုဒ် ၁ အရ ရွေးကောက်ပွဲ များကျင်းပပြီး တိုင်းပြုပြည်ပြုလွှတ်တော်ကို တည်ထောင်နိုင်ခဲ့၏။ နိုင်ငံတော် ဖွဲ့စည်းအုပ်ချုပ်ပုံ ဥပဒေကို လွှတ် တော်သို့ မတင်သွင်းမီ ပြည်သူ့ကိုယ်စားလှယ်များပါဝင်သော ဂျူဗလီဟောညီလာခံကြီးတွင် တင်ပြခဲ့သည်။အထက်ပါမိန့်ခွန်းမှာ ဂျူဗလီဟောပဏာမ ပြင်ဆင်မှု ညီလာခံတွင်မိန့်ကြားခဲ့သော မိန့်ခွန်းမှ ကောက်နှုတ်တင်ပြသည်။ မိန့်ခွန်းပြော သောနေ့မှာ ၁၉၄၇ ခု၊ မေလ ၁၉ ရက်နေ့ ဖြစ်သည်။)

13 Feb 2013

ဖက်ဆစ်ဝါဒ နှင့် ဒီမိုကရေစီဝါဒ (ဗိုလ်ချုပ်အောင်ဆန်း)



ယခုအခါမှာ ငြိမ်းချမ်းရေးကို အဖျက်ဆီးဆုံး ၀ါဒဟာ ဖက်ဆစ်ဝါဒ ဖြစ်လို့ ဒီဝါဒ ကမ္ဘာမှာ ဘယ်နေရာမှာ ဖြစ်ဖြစ် ရှိနေရင် စစ်ဖြစ်ဦးမှာ မို့လို့ ဒီဝါဒ ပပျောက်အောင် လုပ်ဖို့လိုတယ်။ ဒီတွင်လားဆိုရင် မဟုတ်သေးဘူး။

ဒီဝါဒမျိုးဟာ သူတို့ပြည်မှာလည်း တိုင်းသူ ပြည်သားတွေကို ချုပ်ချယ်တယ်။ ကမ္ဘာမှာလည်း အင်မတန် ရိုင်းစိုင်း သေးနုပ်တဲ့ လူမျိုးရေးဝါဒကို လက်ကိုင်ထားပြီး ပိုပြီး ချုပ်ချယ်ဖို့ ရည်ရွယ်ချက် ရှိတယ်။

ကမ္ဘာမှာလည်း ကမ္ဘာ့ လွတ်လပ်ရေးကို ထိခိုက်တယ်။

ကမ္ဘာ့ လွတ်လပ်ရေးကို ထိခိုက်လို့ရှိရင် ကမ္ဘာ့ လွတ်လပ်ရေး မရှိနိုင်ဘဲ ဖြစ်သွားမယ်။

ကမ္ဘာ့ လွတ်လပ်ရေး မရှိရင် ဗမာ့ လွတ်လပ်ရေး ဆိုတာလည်း မရှိနိုင်ဘူး။

ဒါကြောင့် ဖက်ဆစ်ဝါဒ ကမ္ဘာမှာ ပပျောက်ရေးကို ကျနော်တို့ ရည်ရွယ်ချက်ထဲမှာ ထည့်ထားတယ်။

ကမ္ဘာမှာ အဲဒီဝါဒမျိုးကို တိုက်ဖျက်မယ့်သူတွေနဲ့ အမြဲ ပူးပေါင်းပြီး အခွင့် အာဏာရတိုင်း ဆောင်ရွက်ဖို့ပဲ။

အထူးသဖြင့် ကျနော်တို့ တိုင်းပြည်မှာ ဒီဝါဒမျိုး လုံးဝမရှိနိုင်အောင် လုပ်ရမယ်။

အာဏာရှင်ဝါဒ၊

လူမျိုးအချင်းချင်း မုန်းတီးရေးဝါဒ၊

ဂျပန်ပြည်မှာလို စစ်ကသာ လွှမ်းမိုးရမယ် ဆိုတဲ့ စစ်ဖက် အာဏာရှင်စနစ်၊

သက်ဦးဆံပိုင် ရှင်ဘုရင်စနစ်၊

အဲဒီဝါဒမျိုး အငယ်စားဖြစ်တဲ့ ပဒေသရာဇ် မြို့စား ရွာစားဝါဒ၊

အထက်ကသာ ခန့်ထားပြီး တိုင်းသူ ပြည်သား ဆန္ဒအရ မဟုတ်ဘဲ တိုင်းသူ ပြည်သားတွေနဲ့ ကင်းကွာပြီး မင်းစိတ်ပေါက်တဲ့ အရာရှိတွေ ချယ်လှယ်တဲ့ စနစ်ဆိုး...

တမျိုးမျိုး ရှိနေရင်....

အများပြည်သူတို့ ဆန္ဒနဲ့ လုပ်ကိုင်ရတဲ့ ဒီမိုကရေစီဝါဒ ခေတ်မစားနိုင်တဲ့
ဖက်ဆစ်ဝါဒ ဆင်တူ ယိုးမှားတွေ ပေါ်လာနိုင်တယ်။

ဒီ ၀ါဒမျိုး ပေါ်လာရင် တိုင်းသူ ပြည်သားတွေဟာ လွတ်လပ်ရေး ဆိုတာကို မရနိုင်တော့ဘူး။

ဒါကြောင့် ကျနော်တို့ဟာ ဒီမိုကရေစီ ၀ါဒကိုသာ ခေတ်စားအောင် လုပ်ရမယ်။

ဒီမိုကရေစီ ၀ါဒသာ လွတ်လပ်ရေး နဲ့ ဆီလျော်တယ်။

ဒီဝါဒ သာ ငြိမ်းချမ်းရေးကို အားပေးတယ်။

အဲဒါကြောင့် ဒီဝါဒ ကိုသာ ကျနော်တို့ ရည်ရွယ် ရမယ်။

နောက် လွတ်လပ်စွာ ဖော်ပြခွင့်၊စည်းရုံးခွင့်၊

အစည်းအဝေး ခေါ်ခွင့်နှင့် စီတန်း လမ်းလျှောက်ခွင့်၊

လွတ်လပ်စွာ တွေးတောခွင့်နှင့် ကိုးကွယ်လိုရာ ဘာသာ ကိုးကွယ်ခွင့်၊

တရားနှင့် မညီသော အဖမ်းအဆီး အချုပ်အနှောင်မှ ကင်းလွတ်ခွင့်၊

ကိုယ်ရေး လွတ်လပ်ခွင့်၊ ကိုယ့်အိမ် ကိုယ့်ယာနှင့် နေထိုင်ခြင်းကို မတရားသဖြင့် နှောင့်ယှက်ခြင်းမှ ကင်းလွတ်ခွင့်၊

လူတိုင်း ပညာသင်ကြားနိုင်ခွင့်၊ အခမဲ့ ဆေးဝါး အကူအညီ ရရှိခွင့်၊

မတရား သဖြင့် စီးပွား ချုပ်ချယ်မှုများမှ လွတ်ငြိမ်း ချမ်းသာခွင့်၊

အလုပ်သမား လယ်သမားများရဲ့ အနည်းဆုံး အခွင့်အရေး များကို အစိုးရက စောင့်ရှောက် ပေးခြင်း၊

တိုင်းပြည်တွင် တိုင်းရင်းသား လူမျိုးတိုင်း ကိုယ့်ဘာသာ ကိုယ့်ဓလေ့ ကိုယ့်ယဉ်ကျေးမှု အတိုင်း ဆောင်ရွက်နိုင်ခွင့်၊

အိုစာနာစာ အထိအခိုက် လျော်ကြေး ရန်ပုံငွေ အစရှိသည် တို့ကို အစိုးရက ထားပြီး အိုမင်း၍ လည်းကောင်း၊ ဖျားနာ၍ လည်းကောင်း၊ ထိခိုက် နာကျင်၍ လည်းကောင်း၊ အလုပ်လုပ်ချင် သော်လည်း အလုပ် မရနိုင်၍ လည်းကောင်း၊ အသက်မွေး ၀မ်းကျောင်း မပြုနိုင်စွမ်း ရှိသူများ သည် အစိုးရ၏ အထောက် အပံ့ကို ရရှိခွင့်နှင့်

ဒီမိုကရေစီ အခွင့်အရေး မျိုးတွေလည်း ရှိရမယ်။


၁၉၄၅ ခုနှစ်၊ သြဂုတ်လ စတုတ္ထအကြိမ်မြောက် နိုင်ငံခေါင်းဆောင်များ အစည်းအဝေးတွင် မြွက်ကြားသည့် မိန့်ခွန်း ကောက်နှုတ်ချက်

12 Feb 2013

လူမျိုးရေး ဆိုတာ ဘာလဲ (ဗိုလ်ချုပ်အောင်ဆန်း)

လူမျိုးကြီးဆိုတာ ဘာလဲ

ဒီနေရာမှာ လူမျိုးရေးကိစ္စကို ကျွန်တော်ဆွေးနွေးလိုတယ်။ အင်္ဂလိပ်လိုမှာ (Nation or Nationality, Race, Tribe) အစရှိသည် အားဖြင့် လူမှုရေးးတွေကို အသီးသီး ခေါ်ထားတာရှိတယ်။

(Nation or Nationality) ဆိုတာမျိုးကတော့ ဗမာလို တိတိကျကျ ဘယ်လိုပြန်ရမယ် ဆိုတာ ဗမာ့ အဘိဓါန် ကျကျနန ထွက်မှဘဲ ဖြစ်နိုင်မှာဘဲ။ အဓိပ္ပာယ်ကတော့ ဥပမာ ဗြိတိသျှ လူမျိုးဆိုယင် အင်္ဂလိပ်၊စကော့၊ဝေလ၊အိုင်းရစ်လူမျိုးတွေ ပေါင်းထားတာကို ခေါ်တာပဲ။ အမေရိကန်လူမျိုး ဆိုယင်လ ဥရောပ လူမျိုစုံ၊အမေရိကန်မှာ လာနေပြီး အမေရိကန် လူမျိုးလိုနေတဲ့ လူအားလုံးကို ခေါ်တာပဲ။ ဒီတော့ (Nation) သို့မဟုတ် (Nationality) ခေါ်တဲ့ လူမျိုးကြီးကို ဆိုကြပါစို့၊အဲဒီ လူမျိုးကြီးဆိုတာ ဘယ်လို အချင်းအရာတွေနဲ့ ပြည့်စုံမှ လူမျိုးကြီးလို့ ခေါ်မလဲ။ အဲဒီလူမျိုးရေး ပြဿနာနဲ့ ပတ်သက်ပြီး အခု ကမ္ဘာကျော် ဆိုဗီယက် ယူနီယံ ခေါင်းဆောင်ကြီး ဖြစ်တဲ့ စတာလင်က ဘယ်လို သရုပ်ဖော်ထားသလဲ ဆိုယင် -

A nation is a historically evolved stable community of language,territory ,economic life, and psychologicsl make - up manifested in a community culture;

လူမျိုးကြီး ဆိုတာ ရာဇ၀င်အရ ဖြစ်ပွားပြီး တည်တည်တံ့တံ့ နေလာတဲ့ သူ့ဘာသာစားနဲ့၊ သူ့နယ်မြေနဲ့၊သူ့စီးပွားရေးနဲ့၊သူ့ယဉ်ကျေးမှု ပညာထုံးစံဓလေ့တွေနဲ့ ညီညွတ်စည်းရုံးထားတဲ့ လူပေါင်းစုဘဲလို့ စတာလင်က သရုပ်ဖော်ပြခဲ့တယ်။ ဒီနေရာမှာ လူပေါင်းစုဆိုတာဟာ (A nation is not a racial or trible community of people) လို့ အတိအလင်း ဖော်ပြထားတယ်။ အဓိပ္ပာယ်ကတော့ လူမျိုးကြီးဆိုတာ အသွေးအဆင်းတူတဲ့ (Race) တို့ (Tribe) တို့ ခေါ်တဲ့ လူမျိုးစုမျိုး မဟုတ်ဘူး။ အဲဒီ (Race) တို့များ ပေါင်းစပ်ထားခြင်း ဖြစ်လို့ တယ်ရှင်းလင်း ပြန်တယ်။

အဲဒီမှာ စကားတူရှိရုံနဲ့ လူမျိုးကြီး မဖြစ်နိုင်ဘူးတဲ့။ စကားတမျိုးထဲ ပြောကြတဲ့ အင်္ဂလိပ် အမေရိကန်ဟာ လူမျိုးကြီးနှစ်မျိုးဖြစ်နေတာ အထင်အရှားဘဲ မဟုတ်လားတဲ့။ လူမျိုးခြားတိုင်း စကားမခြားဘူး။ စကားတူတိုင်း လူတမျိုးတည်း မဟုတ်ဘူး။ အကြောင်းအားလျော်စွာံ ဆုံစည်းခွင့် မရှိလို့ရှိယင် တမျိုးစီဖြစ်တယ်။ အဲဒီလို ဆုံစည်းတဲ့ နေရာမှာ တမြေတည်းနေ တရေတည်းသောက်တဲ့ လူတွေမှ လူတမျိုးတည်း ဖြစ်လာနိုင်သတဲ့။ နောက်စီးပွားရေးမှာလဲ တဦးနှင့်တဦး ကျောထောက်နောက်ခံ သဘောမျိုး မှီခိုပြီး ပေါင်းစည်းထားမှ ဖြစ်သတဲ့။ ပြီးတော့ လူတမျိုးရဲ့ စိတ်ဓါတ် (Nationnal Character) လို့ ဆိုတဲ့ လူယဉ်ကျေးမှုထုံးစံ ဓလေ့ဆိုတာကို မထားလို့ မဖြစ်ဘူးတဲ့။ ဒီအချက်တွေထဲက တခုလောက်မရရုံနဲ့ဘဲ လူမျိုးကြီးဆိုတဲ့ ဂုဏ်အင်္ဂါကို မထိုက်တန်ဘဲ ဖြစ်သွားနိုင်သတဲ့။ အဲဒီတော့ ဒီအချင်းအရာတွေ အားလုံးပြည့်စုံမှ လူမျိုးကြီး တမျိုး ဖြစ်တယ်ဆိုဘဲ။ ဒီနေရာမှာ (Common Language) ဆိုတဲ့ စကားတူလို့ ဆိုတာမှာလဲ ဥပမာ ဗြိတိသျှ လူမျိုးကြီးများ အင်္ဂလိပ်စကား အားလုံး ပြောကြတယ်။ နားလည်ကြတယ်။ ဒါပေမယ့် အိုင်းရစ်တို့ ဘာတို့မှာ သူတို့စကား သတ်သတ်ရှိတယ်။ အဲဒါကိုလဲ သတိပြုဖို့ လိုတယ်။


နောက်ပြီး (State) (ဒီနေရာမှာတော့ လက်နက်နိုင်ငံတော်လို့ဘဲ ဆိုကြပါစို့)။ အဲဒီ လက်နက်နိုင်ငံတော်ဆိုတဲ့ (Political Community) နိုင်ငံရေး လူပေါင်းစနဲ့ လူမျိုးကြီး ပေါင်းစုံ (National Community)ကို နားမရှုပ်စေလိုဘူးလို့ စတာလင်က ရှင်းထားတယ်။ ဘယ်လိုလဲ ဆိုယင် တူတာတွေထဲမှာ စကားတူမှ လူမျိုးကြီး တမျိုးဆိုတာ ဖြစ်နိုင်မယ်။ သို့သော်လည်း လက်နက်နိုင်ငံတော်ဆိုတဲ့ နိုင်ငံရေး လူပေါင်းစုထဲမှာတော့ စကားမတူပေမဲ့ တနိုင်ငံတည်း ဖြစ်နိုင်တယ်ဆိုတာ ဖော်ပြထားတယ်။


ကောင်းပြီ။ ဒီအချက်တွေကို အခြေပြုပြီး စဉ်းစားယင် ကျွန်တော်တို့ ဗမာပြည်မှာ (Nation or Nationnality) လူမျိုးကြီး အဖြစ်နဲ့ ဘယ်နှစ်မျိုး ရှိသလဲ ဆိုယင် စင်စစ် ပြောရယင်တော့ အားလုံးတမျိုးတည်းပဲ ရှိနိုင်မယ်။

(Race,Tribe) ဆိုတဲ့ ဟာမျိုးတော့ ရှိသပေါ့။ ဒါမျိုးတွေကော (Nation or Nationality) ထဲမှာ မရှိဘူးလား ဆိုတော့ ရှိသတဲ့။ သူတို့ကို (National Minority) လို့ ခေါ်တယ်။ လူမျိုးရေး လူနည်းစုတွေလို့ ခေါ်တယ်တဲ့။

အဲအခုန ကျွန်တော်တို့ ဗမာပြည်မှာ လူမျိုးကြီး စစ်စစ် ခေါ်နိုင်တာ အားလုံးပေါင်းခေါ်မှ ဖြစ်နိုင်တယ်လို့ ကျွန်တော် ဘာပြုလို့ ပြောရသလဲဆိုယင် အထက်မှာ ဖော်ပြခဲ့တဲ့ အချက်တွေနဲ့ ပြည့်စုံတဲ့ လူပေါင်းစု ဆိုလို့၊ ရှမ်းလူမျိုးကို ပြောမယ်ဆိုယင်တော့ စစ်စစ် မဟုတ်ဘဲ ခပ်လျော့လျော့ သဘောမျိုး ဆိုယင် လူမျိုးကြီးလို့ ခေါ်နိုင်ပါလိမ့်မယ်။ တခြား လူမျိုးတွေ ဆိုယင် မခေါ်နိုင်ဘူး။ ဥပမာ ဂျိန်ဖောလူမျိုး ၊ သူတို့မှာ အထက်ပါ လူမျိုးကြီး အင်္ဂါပြည့်ပြည့်စုံစုံ မရှိဘူး။ အထူးသဖြင့် စီးပွားရေးမှာ သူ့ချည်း မဖြစ်နိုင်ဘူး။ ဥပမာ ချင်း ၊ ချင်းကျတော့ ပိုတောင် ဆိုးသွားသေးတယ်။ ဘာပြုလို့လဲ ဆိုယင် သူတို့မှာ စကားတူကို မရှိဘူး။ အချင်းချင်း ကျတော့ ဗမာစကားယင်လဲသုံး၊ အင်္ဂလိပ်တွေ စီမံခဲ့လို့ ကုလားစကားယင်လဲ သုံးနေရတာပဲ။ ကရင်နီကို ကြည့် ၊လူဦးရေကလဲ မိုးဗြဲနယ်ဆိုတာ ထည့်ပါမှ ရှစ်သောင်လောက်ဘဲရှိတယ်။ အဲဒီ ရှစ်သောင်းလောက်က အချင်းချင်း ဘာစကား သုံးနေရလဲ ဆိုယင် ဗမာစကားကို သုံးနေရတယ်။ ကရင် လူမျိုးကြည့်အုံးမလား။ အမျိုး ၁၂ မျိုးလောက်ကွဲပြီး စကားဆိုယင်လဲ (Principal Languages) အဓိက စကား နှစ်မျိုးတောင် ရှိနေတယ်။ အချင်းချင်းကျတော့ ဗမာစကားဘဲ သုံးနေရတာဘဲ။ ရှမ်းဆိုတာလဲ အမှန်ကတော့ ဗမာစကား အများအားဖြင့် နားလည်ကြတာဘဲ။ ယဉ်ကျေးမှုဆိုယင် ဗမာ ယဉ်ကျေးမှုနဲ့ တူတာတွေ အများကြီးဘဲ။

လူမျိုးကြီး အချင်းချင်း ဆိုယင်တော့ (Nations are Sovereigns and all natiiions are equal) လို့ လူမျိုးကြီးတွေဟာ အချုပ်အချာ အာဏာရှိတယ်။ အတူတူဘဲ။ တန်းတူဘဲလို့ စတာလင်က ဆိုထားတယ်။


ဒါဖြင့် ဒီအဓိပ္ပာယ်က ဘယ်လို သဘောလဲ။ လူမျိုးကြီးဆိုတာ အချင်းချင်း ပေါင်းသင်းနေယင် (Regional Autonomy) ဆိုတဲ့ နယ်မြေအရ ကိုယ်ပိုင် အုပ်ချုပ်ခွင့်ရပြီး ခွဲထွက်ခွင့်ပါ ရထိုက်သတဲ့။ ကိုယ်ပိုင် ပြဌာန်းနိုင်ခွင့် လုံးဝ ရထိုက်သတဲ့။

The right of self-determination means that a nation can arrange its life according to itsown will. It has the right to arrange its own life on the basis of autonomy.

It has the right to enter into federal relation with other nations. It has right to complete secession.

လို့ ဆိုထားတယ်။ ဒါပေမယ့် ဆက်ပြောထားတာရှိသေးတယ်။

This of course does not mean that Social Democrats will support every demand of nation.A nation has the right even to return to the order of things; but this does not mean that Social Domocrats will subscribe to such a decision if taken by any institution of the said nation............

ပြီးတော့

In fighting for the right of nations to self-determination, the aim of the Social Democrats is to put an end to the policy of national oppression,to render it impossible, and thereby to remove the grounds of hostility and reduce it to a minimum.

ကိုယ်ပိုင် ပြဋ္ဌာန်းနိုင်ခွင့်ကို လူမျိုးကြီးဆိုတာတိုင်း ရထိုက်တယ်ဆိုပေမဲ့ နေရာတကာ အမြဲတမ်းမဟုတ်ဘူး။ ကောင်းကျိုးလုပ်ဖို့သာ ဖြစ်တယ်။ ဆိုးကျိုးလုပ်ဖို့မဟုတ်ဘူးဆိုတာ ပြောထားတယ်။ လူမျိုးအချင်းချင်းချယ်လှယ်လွှမ်းမိုးမှု၊ နှိပ်စက်မှု မဖြစ်ရအောင် ဒီအခွင့်အရေး မျိုးကိုလူမျိုးကြီးတိုင်းကို ပေးတာဘဲ

ပီတော့ “ မတ်ဝါဒ” ဋီကာဆရာတဦးကလဲ

It would be wrong to say that Marxists must support every national movement and that they have to apply the principle of national self-determination as dogma in every simple case. Also the right of self - determination of this or that national group has to be difinitely denied if under the given conditions it would serve reactionary purposes the do a disservice to the general cause of democtacy.

ကွယ်လွန်သွားတဲ့ လီနင် ဆိုတဲ့ပုဂ္ဂိုလ်ကြီးကလဲဆိုထားတယ်။

The various demands of democracy, including self-determination, are not absolute, but a small part of the general de mocratic (now general socialist) world movement. Possible in individual concrete cases, the part may contradict the whole, if so it must be rejected.

နောက်ပြီး

The question of the right of a nation freely to secede must not be confused with the question of whether it would be expedient for any given nation to secede at secede at any given moment.

ဒါတွေ အားလုံးခြုံလိုက်တော့ ဘာအဓိပ္ပါယ်ထွက်သလဲဆိုင်ယင် လူမျိုးကြီးဆိုတာ အချင်းချင်းပေါင်းကြယင် ကိုယ်ပိုင်ပြဋ္ဌာန်းခွင့်အရ ပေါင်းကြ။ ဒါပေမဲ့ နေရာတကာ အချိန်အခါတိုင်းမှာ အခြေအနေ အကျိုးအကြောင်းကို မထောက်ဘဲ အရမ်းကိုယ်ပိုင် ပြဋ္ဌာန်းခွင့်မဟုတ်ရ ဘူးဆိုတဲ့ အဓိပ္ပါယ်ပါဘဲ။ ဒါက (Nation or Nationality) ဆိုတဲ့ လူမျိုးကြီးနှင့် ပက်သက်ပြီးသိသင့်သိထိုက်သော သဘောတရားတွေဘဲ။

ပြီးတော့ ....

Of course not one of the regions constitutes a compact homogeneous nation for each is interspersed with national minorities. Such are the Jews in Poland. the Latvians in Lithuania, the Russians in Caucasus. the Poles in the Ukraine,and so on. It may be feared. therefore, that the minorities will be oppressed by the national majorities. But there will be grounds for this fear. only if the old order continues to prevail in the country. Give the country complete democracy and all grounds for this fear will vanish.

What is it that particularly a national minority? A minority is discontented because it does not enjoy the right to use its native language. Permit it to use its native language and the discontent will pass of itself. A minority is discontented beause it does not possess its own schools. Give it its own schools and all grounds for discontent will disappear. A minority is discontented because it does not enjoy liberty of conscience, etc. Give it these liberties and it will cease to be discontented. Thus national equality in all forms (languages, schools etc) is an essential element} in the solution of the national problem.

A state law based on cmplete democracy in the country is required. prolubiting all national privileges without exception and all kinds of disablities and restrictions on the rights of national minorities.

ဒီဟာကတော့ လူမျိုးရေးလူနည်းစုအခွင့်အရေးတွေနှင့် ပက်သက်ပြီးသိသင့်သိထိုက်တဲ့အချက်တွေဘဲ။ ပီးတော့ လူမျိုးရေးလူနည်းစုဆို တာ လူဦးရေ ဘယ်လောက်ရှိမှ လူမျိုးရေး လူနည်းစုခေါ်မလဲ ဆိုတာကိုလဲ သိဖို့လိုတယ်။ အရင် စစ်မဖြစ်ခင်တုန်းက ရှိခဲ့တဲ့ နိုင်ငံပေါင်းစုံ အသင်းချုပ်ကြီးက သရုပ် ပြဋ္ဌာန်းထားတာကတော့၊ လူမျိုးရေးလူနည်းစုဆိုတာ လူမျိုးရေးလူများစုရဲ့ ငါးပုံတပုံလောက်ရှိမှ လူမျိုးရေးလူ နည်းစုလို့ ခေါ်နိုင်မယ်လို့ ဆိုထားတယ်။ ဘာပြုလို့လဲ ဆို ရှမ်းပြည်မှာ လူမျိုးပေါင်း ၂၀၊ ၃၀ လောက်ရှိတယ်။ အဲဒီလိုသာ လူမျိုးကွဲတိုင်း ရှောက်ခေါ်နေရယင်ဆုံးမှာ မဟုတ်ဘူး။ ဒါကြောင့်လူဦးရေ သတ်မှတ်ရတာဘဲ။ သို့ပေမဲ့ ဗမာပြည်အဖို့မှာ လူမျိုးရေး လူများစုရဲ့ ငါးပုံတပုံ ဆိုတာတော့ များလွန်းအားကြီးတယ် ထင်တယ်။ ဆယ်ပုံတပုံ လောက်ရှိယင်ဘဲ လူမျိုးရေးလူနည်းစုလို့ ခေါ်သင့်တယ်လို့ ကျွန်တော်ယူဆတယ်။ လူမျိုးရေး လူများစုရဲ့ ငါးပုံတပုံရှိမှ လူမျိုးရေးလူနည်းစုဆိုယင်တော့ ဗမာပြည်မမှာ လူမျိုးရေး လူနည်းစုကို မရှိနိုင်တော့ဘူး။


ဒါပေမဲ့ ဥပမာ ကရင်လူမျိုးဆိုလို့ရှိယင် လူမျိုးရေး လူနည်းစုအဖြစ်နဲ့ အခွင့်အရေးတွေ ရသင့်သလောက် မရဘဲ ရှိနေတယ်ဆိုတာ ငြင်းလို့ ကျုပ်တို့ ရမှာမဟုတ်ဘူး။ ပြီးတော့ သူတို့တတွေဟာလဲ ဗမာတွေရဲ့ ဆယ်ပုံတပုံလောက် အဖျင်းဆုံး ရှိလိမ့်မယ်။ အဲဒါကြောင့် သူတို့ကို တော့ လူမျိုးရေးလူနည်းစု အခွင့်အရေးတွေကို ပေးဖို့တောင်းတယ်။ မွန်လူမျိုးကိစ္စဆိုယင်တော့ သူတို့မှာ အခုလူမျိုးရေး လူနည်းစုအဖြစ် နဲ့ မွန်စာပေ၊ မွန်ကျောင်းတွေ ကိစ္စလောက်က လွဲယင် တခြားနစ်နာချက်တွေမရှိပါဘူး။ မွန်ရယ်၊ ဗမာရယ် ခွဲခြားပြီး ကရင်လို သဘော ထားသလိုထားစေချင်လို့တော့ မဖြစ်နိုင်ဘူး။

ဒီတော့ လူမျိုးရေး ပြဿနာနဲ့ပက်သက်ပြီး ကျွန်တော် တော်တော်စုံစုံလင်လင် ပြောပြပြီးတဲ့နောက်၊ ကျွန်တော်တို့ ဗမာပြည်သစ်ကို တည်ထောင်တော့ ပြည်ထောင်စုသဘောတည်ထောင်မလား။ လူမျိုးကြီးတမျိုးတည်းဘဲဆိုတဲ့ တိုင်းပြည်မျိုး (Unitary) တည်ထောင်မလား ဆိုတဲ့ မေးခွန်းကို ဖြေဆိုလိုတယ်။

ကျွန်တော်အမြင်အရ ဆိုယင်တော့ အထက်လူမျိုးရေးအရ ရသင့်ရတိုက်တဲ့ အခွင့်အရေးမျိုးတွေကို စည်းကမ်း သတ်မှတ်ပေးပြီးးတော့ (Unitary State) လူမျိုးကြီး တမျိုးတည်းဆိုတဲ့ နိုင်ငံမျိုးတော့ ထောင်လို့မဖြစ်ဘူး။ ပြည်ထောင်စု သဘောမျိုးဘဲ ဖြစ်ရမှာဘဲ

ဒါပေမယ့် ပေါင်းခါမှ ဆေးအတွက် လေးတဲ့ ပြည်ထောင်စုမျိုး၊လီနင်ပြောသလို တစိတ် တဒေသက တခုလုံးကို ဆန့်ကျင်တဲ့ (The part contradic ting the whole) ပြည်ထောင်စုမျိုး ဆိုယင်တော့ အဖြစ်နိ်ုင်ဘူး။ အထူးသဖြင့် ပြည်ထောင်စုဟာ စီးပွားရေး တိုးတက်မှုကို စုပေါင်းပြီး စံနစ်တကျ စီစဉ်နိုင်မယ့် ပြည်ထောင်စုမျိုး ဖြစ်ရလိမ့်မယ်။

ဒါမှ လူမျိုးအားလုံး တိုင်းသူပြည်သား အများဆုံး တိုးတက်မှုကို လုပ်နိုင်မှာဘဲ။ ပေါင်းတယ်ဆိုတာ အချင်းချင်း ကောင်းကျိုးရှိအောင် ပေါင်းကြတာ ဖြစ်ပြီး ဆိုးကျိုးရှိအောင် ပေါင်းတာမျိုး ဘယ်နည်းနဲ့မှ မဖြစ်နိုင်ဘူး။

ဒီလူမျိုးရေး ပြဿနာနဲ့ ပတ်သက်ပြီ နောက် အကြောင်းပေါ်ယင် ပေါ်သလို ဆွေးနွေးသင့်ယင် ဆွေးနွေးပါအုံးမယ်။ အခု ဒီမိန့်ခွန်းမှာတော့ ဒီလောက်နဲ့ဘဲ တော်လောက်ပြီလို့ ကျွန်တော်ယူဆပါတယ်။

(၁၉၄၆ ခု၊ စက်တင်ဘာလ ၂၇ ရက်နေ့တွင် (ဖဆပလ) အဖွဲ့ချုပ် ဗဟိုဦးစီး အဖွဲ့၏ သဘောတူညီချက်အရ၊ ဗိုလ်ချုပ်အောင်ဆန်းက ခေါင်းဆောင်၍ ယာယီ အမှုဆောင် အစိုးရ အဖွဲ့ကို ဖွဲ့စည်းခဲ့သည်။ အစိုးရအဖွဲ့ ဖွဲ့စည်းပြီး ၍ တလခွဲမပြည့်မီ ၁၉၄၆ ခု၊ နိုဝင်ဘာလ ၈ ရက်နေ့ တွင် ဗိုလ်ချုပ်အောင်ဆန်း အစိုးရ အဖွဲ့က အရေးကြီးသော ကြေညာချက်တစ်စောင် ထုတ်ပြန်လေသည်။ ယင်းကြေညာချက်မှာ “ ဗြိတိသျှအစိုးရက မြန်မာပြည် လွတ်လပ် ရေးကို ကြေညာရန်နှင့် မကြေညာက အစိုးရတဖွဲ့လုံး နုတ်ထွက်မည်” ဟူသော ကြေညာချက်ဖြစ်၏။ ထိုကြေညာ ချက်အရ ဗြိတိသျှအစိုးရက ကြေညာချက်တစ်ရပ် ထုတ်ပြန်ပြီးလျှင် ဗိုလ်ချုပ်အောင်ဆန်းတို့ကို ဘိလပ်သို့ ဖိတ် ခေါ် ဆွေးနွေးရ၏။ “အောင်ဆန်းအက်တလီစာချုပ်” ချုပ်ဆိုခဲ့ကြသည်။ ယင်းစာချုပ် အပိုဒ် ၁ အရ ရွေးကောက်ပွဲ များကျင်းပပြီး တိုင်းပြုပြည်ပြုလွှတ်တော်ကို တည်ထောင်နိုင်ခဲ့၏။ နိုင်ငံတော် ဖွဲ့စည်းအုပ်ချုပ်ပုံ ဥပဒေကို လွှတ် တော်သို့ မတင်သွင်းမီ ပြည်သူ့ကိုယ်စားလှယ်များပါဝင်သော ဂျူဗလီဟောညီလာခံကြီးတွင် တင်ပြခဲ့သည်။ ဖော်ပြပါကောက်နှုတ်ချက်မှာ ဂျူဗလီဟောပဏာမ ပြင်ဆင်မှု ညီလာခံတွင်မိန့်ကြားခဲ့သော မိန့်ခွန်းမှ ဖြစ်သည်။ မိန့်ခွန်းပြော သောနေ့မှာ ၁၉၄၇ ခု၊ မေလ ၁၉ ရက်နေ့ ဖြစ်သည်။)

11 Feb 2013

တို့ဗမာအစည်းအရုံး၏ သမိုင်းဝင်ဓါတ်ပုံများ

မှတ်ချက်။    ။ "သပိတ်တား" ဆိုသည့် အဓိပါယ်မှာ အစိုးရ၏ ဒေသတွင်းအုပ်ချုပ်ရေး ရပ်တန့်စေရန်  အရေးပါသော ရုံးအဝင်အဝများ၊ လမ်းများပေါ်တွင် "တားဆီး" သောပုံစံဖြင့် အစုအဝေးနဲ့ ထိုင်နေခြင်းမျိုးဖြစ်ပါသည်။


 ( အထက်ဖေါ်ပြပါ ဓါတ်ပုံတွင် ရန်ကုန် အတွင်းဝန်ရုံး ယနေ့အခေါ် ဝန်ကြီးများရုံး ဆန္ဒပြပွဲတွင် ကိုလိုနီခေတ် ပုလိပ်တို့ကြောင့် တကသ ခေါင်းဆောင် ဗိုလ်အောင်ကျော် ကျဆုံးခဲ့ပါသည်။)



ပျူတို့မြေဘလော့မှ ကူယူဝေမျှပါသည်။

6 Feb 2013

ပျုစစ်လျှင် မြန်မာ ဟုဆိုပြန်တယ်


ပျုစစ်လျှင် မြန်မာ ဟုဆိုပြန်တယ်



" ဘုန်းတင့်ကျော် " စာရေးဆရာ နာမည်ကိုသမိုင်းစိတ်ဝင်စားသူ လူတစ်စု သတိထားမိ နိုင်  သော်လည်း လူငယ်အများစု သိဦးမယ်မထင်ပါ။

စာရေးဆရာ တက္ကသိုလ်ဘုန်းနိုင် ဆိုရင်တော့ လူကြီး၊ လူရွယ်၊ လူငယ် အကုန်သိလိမ့်မယ်လို့ ထင်ပါတယ်။ ဘုန်းတင့်ကျော်ဟာ တက္ကသိုလ်ဘုန်းနိုင် ၏ သားဖြစ်ပါတယ်။

သူရေးသားပြုစုထားတဲ့ စာတမ်းတွေပေါင်းပြီး စာအုပ်ထွက်လာပါတယ်။" ပျူစစ်လျှင် မြန်မာ " ဆိုတဲ့ စာအုပ်ပါ။

စာရေးသူ ကိုယ်တိုင်က ရုပ်ရှင်တေးကဗျာ မဂ္ဂဇင်းမှာ ပါတဲ့ အခန်းဆက်ဆောင်းပါး တွေကို စာအုပ်အဖြစ် စုစည်းတယ်လို့ ပထမဆုံး စာမျက်နှာမှာ ဆိုထားတဲ့အတွက်" သမိုင်းသုတေသနစာတမ်းလို့"  မပြောဘဲ ဆောင်းပါးလို့ ပြောရင် ပိုမှန်ကန်တိကျမယ်လို့ ဆိုချင်ပါတယ်။
ဆောင်းပါးသည် စာတမ်းမဟုတ်၊ စာတမ်းသည်လည်း ဆောင်းပါး မဟုတ်လို့ဆိုချင်ပါတယ်။ ထိုနှစ်ခု အနှစ်သာရချင်း မတူပါ။

သူရေးသားတင်သွင်းတဲ့ စာတမ်းတွေဖတ်ကြားရာမှာ သဘာပတိ အဖြစ် " ဒေါက်တာ သန်းထွန်း " က ဆောင်ရွက်ခဲ့တယ်လို့ဆိုပါတယ်။

 ပျူဟူသည်မှာ မြန်မာဖြစ်ကြောင်းကို ဒေါက်တာ သန်းထွန်းကိုယ်တိုင်က လက်ခံတယ်လို့ဆိုထားပါတယ်။
 ( စာမျက်နှာ ၉ )

စာရေးသူ ပညာရှင် " ဘုန်းတင့်ကျော်" ကိုယ်တိုင်က ပျူစာလို့ အများအခေါ်ရှိတဲ့ အမည်မသိ ကျောက်စာတွေကို ဖတ်နိုင်အောင်ဖော်ထုတ်နိုင်သူဖြစ်တယ်လို့ ဆိုပါတယ်။ နှစ်ပေါင်းများစွာ ဘယ်သူမှမဖတ်နိုင်တဲ့ စာလို့ ခဏ ခဏ ညွန်းတာကိုလည်းဖတ်ရပါတယ်။

သရေခတ္တရာ မှာရှိတဲ့ အများအခေါ် ပျူအရိုးအိုး ၄ လုံး မှာရေးထားတဲ့ စာ နဲ့ မြစေတီကျောက်စာ တဖြစ်လဲလူသိများတဲ့ ရာဇကုမာရ ကျောက်စာ ကပျူစာတွေ စသဖြင့် စာအုပ်ထဲမှာ မြန်မာဘာသာပြန်ပေးထားပါတယ်။

ကျွန်တော်ဒီစာအုပ်ရဖို့ အပူတပြင်း လုပ်ရပါတော့တယ်။ ပျူစာတွေကို လေ့လာခွင့်ရတော့မယ် ဆိုပြီး သိပ်စိတ်လှူပ်ရှားခဲ့ပါတယ်။

သို့သော်လည်း စာအုပ်တစ်အုပ်လုံးမှာ အဓိက အရေးအကြီးဆုံး ဖြစ်တဲ့ မူရင်းကျောက်စာ စကားလုံး အရေးအသား မပါ လို့ သိပ်စိတ်ပျက်တယ်ရတယ်လို့ စိတ်ထဲရှိတဲ့ အတိုင်းဆိုချင်ပါတယ်။ ကျောက်စာတွေကို မြန်မာမှုပြုထားတယ် ( ခေတ်မြန်မာ စကားလုံးတွေနှင့် ဘာသာပြန်ထားတယ်)။

တစ်ခါတုန်းက တစ်ယောက်သော သမိုင်းပညာရှင် တစ်ဦးဟာ ကျောက်စာပေါင်းချူပ်ဆိုပြီး စာအုပ် အထူကြီး ထုတ်တော့ စာအုပ်ထဲမှာပါတဲ့ ကျောက်စာတွေအကုန်လုံးကို ခေတ်မြန်မာ စကားလုံးတွေနှင့် သတ်ပုံ ဖလှယ်ထားပြီး ထုတ်ပါတယ်။  ဒေါက်တာသန်းထွန်းက ဘာပြောသလဲဆိုတော့ " ဘာတန်ဖိုးမှ မရှိ" လို့ဆိုတယ်။

ပျူစာတွေကို ဖတ်လို့ရအောင် စာရေးသူ ပညာရှင် " ဘုန်းတင့်ကျော်"ဖော်ထုတ်တယ်ဆိုရင်ဖြင့် မြန်မာ့သမိုင်းမှာ အင်မတန်မှ အရေးပါတဲ့ လုပ်ဆောင်ချက်ဖြစ်တယ်ဆိုတာတော့ လှိုက်လှိုက်လှဲလှဲ ဂုဏ်ပြုပါတယ်။

စာအုပ်ထဲက ကျန်တဲ့အကျန်တဲ့အကျန်တဲ့ အကြောင်းရာတွေကိုတော့ ထောက်ခံစရာ သုတေသန အချက်လက် အများကြီးလိုပါသေးတယ်။

ဒီဆောင်းပါးပေါင်းချူပ်ကို ဝေဖန်ရရင် အပိုင်းသုံးပိုင်းခွဲရပါလိမ့်မယ်။

ပျူစာ ၊ ပုဂံ ၊ ဂျီ အိစ်လုစ် ( G.H.Luce , ဆရာကြီးဖေမောင်တင်၏ယောက်ဖ)။

စာရေးသူ ပညာရှင် " ဘုန်းတင့်ကျော်" ရဲ့ ဂျီ အိစ်လုစ် ( G.H.Luce ) အပေါ်မှာထားတဲ့ အမြင်ကို ဖော်ပြလိုပါတယ်။ အောက်မှာ ဖတ်ကြည့်ပါ။

ဗလက်ဒင် ချော်တော့်ငေါ့သည့်အတိုင်း လုစ်နှင့် ချားဒူရွိုင်ဆယ်တို့လည်း ချော်တော့်ငေါ့ခဲ့ကြ၏။
( စာမျက်နာ ၁၄ )
ရှေးဟောင်းခေတ်ပြိုင်အထောက်ထားအချို့ကိုပါ ချန်လှပ်ပြီး မြန်မာ့သမိုင်းကို လိုရာဇာတ်လမ်းဆင် ပြောဆိုခြင်းမျိုးပါ ပြုခဲ့ပေသည်။ ( စာမျက်နာ ၄၀ )
ဆရာကြီး လုစ် ၏ စကားသည် မန်ရှူတွင် မပါသည်တို့ကို သမိုင်းမှန် မဟုတ်ဘဲ သူ၏စိတ်ကြိုက် မမှန် မကန် တီထွင်ကြံစည် ပြောဆိုနေခြင်းဖြစ်ကြောင်း တွေ့မြင်ရပါသည်။( စာမျက်နာ ၄၃ )
မြန်မာကိုအေဒီ (၉) ရာစု ယူနန်မှ မန်အရိုင်းလူမျိုးစု ဖြစ်ကြောင်း ပါမောက္ခ ဂျီ အိစ်လုစ် ယူဆကြောင်း ပေါ်ပေါက်တွေ့မြင်နေရပါသည်။ ( စာမျက်နာ ၄၅ )
ထိုအမှားကို မီးလောင်ရာလေပင့်သကဲ့သို့ ဂျီ အိစ်လုစ်၏ မြန်မာလူမျိုးသမိုင်း လုပ်ဇာတ်က ကြီးထွားပျံ့နှံ့စေခဲ့ပါသည်။ ( စာမျက်နာ ၄၅ )
ပို၍ဆိုးဝါးသွားသည်မှာ ( ၁၉၃၁ ) ခုနှစ်မှ ( ၁၉၇၅ ) ခုနှစ်အထိ ဆရာကြီး လုစ်သည် စာတမ်းအဆောင်ဆောင်ဖြင့် ပျူသည်သပ်သပ် လူမျိုးတစ်မျိုး၊ မြန်မာသည်သပ်သပ် လူမျိုးတစ်မျိုး၊ ပျူခေတ်သည် အေဒီ (၈၃၂ ) ခုနှစ်အထိ မြန်မာခေတ်သည် အေဒီ (၈၄၉) ခုနှစ်မှ စသည်ဟူ၍ မန်ရှူမှတ်တမ်းကို ခုတုံးလုပ်၍ အထောက်အထားမဲ့ တီထွင်လုပ်ကြံရေးသားချက်များဖြစ်ပါသည်။
( စာမျက်နာ ၆၄ )
အမှန်တကယ် ရှိနေသော အိန္ဒိယ၊ တရုတ်၊ မြန်မာ အထောက်အထားများကို သိလျက်နှင့် ဖော်ပြခြင်းမရှိ၊ ချန်လှပ်၍ မန်ရှူ မှတ်တမ်းတွင် မပါသော အရာတို့ကို မိမိ စိတ်သဘောဖြင့် ဇာတ်လမ်းအသစ် တီထွင်ပြောဆိုကာ ဗမာလူမျိုး သမိုင်းပြုစုသည် ဆိုသော ပါမောက္ခ လုစ်၏ စိတ်သဘောထား နှင့် လုပ်ရပ်မှာ ရင်သပ်ရှူမော အံ့ဩဖွယ်ကောင်းလှပါသည်။
ယင်းသို့ အံ့ဩဖွယ် စိတ်ကူးယဉ်ဇာတ်လမ်းတစ်ပုဒ် ဖြစ်ခြင်းမှအပ ဗမာအစ ကျောက်ဆည် စာတမ်း အပါအဝင် (၁၉၃၁) ခုမှ ( ၁၉၅၇ ) ခုကြား ဆရာကြီး လုစ်၏ စာတမ်းများသည်လည်းကောင်း၊  ( ၁၉၆၆ ) ခုနှစ် ပြင်သစ်တက္ကသိုလ်တွင် ပို့ချခဲ့သော လက်ချာ ( Lecture ) ပေါင်းချူပ် " Phases of Prepagan Burma" စာအုပ်သည် လည်းကောင်း ရှေးခေတ်ဗမာလူမျိုး ဗမာနိုင်ငံသမိုင်းမှန်ကို
 ဖော်ပြနိုင်ခြင်းမရှိပါ။ အမှားများ ပြွမ်းတီးနေသော စာတမ်း စာအုပ်များ အဖြစ်သာ မြင်တွေ့ဖတ်ရှုရပေသည်။( စာမျက်နှာ ၆၄-၆၅ )
ဒီစာအုပ်မှာ နှံပါတ်တပ်ထားတဲ့ စာမျက်နှာပေါင်းကို ရေမယ်ဆိုရင် ၁၄၂ မျက်နှာရှိပါကြောင်း။

http://www.anantametta.org/2012/08/blog-post_4811.html

ပျူလူမျိုးနှင့် ပျူနိုင်ငံတော်စာတမ်းဖတ်ပွဲကျင်းပ


သောကြာနေ့၊ နိုဝင်ဘာလ 30 ရက် 2012 ခုနှစ် မွန်အေဂျင်စီ သတင်း - လွတ်လပ်သော မွန်သတင်းအေဂျင်စီ

ထွန်းဖောင်ဒေးရှင်း၏ ပျူလူမျိုးနှင့် ပျူနိုင်ငံတော်စာတမ်းဖတ်ပွဲကို ရန်ကုန်မြို့၊ ရန်ကင်းမြို့နယ်ရှိ မြန်မာနိုင်ငံဘဏ်များ အသင်းတိုက် အဆောက်အအုံ၌ ယနေ့နံနက် ၉ နာရီခန့်တွင် စတင်ကျင်း ပခဲ့ကြောင်း တက်ရောက်သူများထံမှ သိရသည်။


ပျူလူမျိုးနှင့် ပျူနိုင်ငံတော်စာတမ်းဖတ်ပွဲကျင်းပနေပုံ (photo:mikonhtaw)

ဒေါက်တာချစ်စံဝင်း ဥက္ကဌအဖြစ်ဆောင်ရွက်နေသော အဆိုပါစာတမ်းဖတ်ပွဲသို့ ပြည်တွင်းပြည်ပမှ ပညာရှင် များ၊ လေ့လာသူများ ၁၅၀ ဦးခန့်တက်ရောက်ခဲ့သည်ဟု ခန့်မှန်းပြောဆိုကြသည်။

“မူလက မနက် ၈ နာရီစာတမ်းစဖတ်မယ်လို့ အချိန်သတ်မှတ်ခဲ့တယ်၊ ၉ နာရီလောက်မှစဖွင့်ဖြစ် တယ်၊ အခုနေ့လည်ထမင်းစားချိန်ရောက်တော့ လူတစ်ရာလောက်ပဲကျန်တော့တယ်၊ ဒီနေ့တစ်ရက်ပဲလား၊ အရင်ကစီစဉ်ထားတဲ့အတိုင်း ၃ ရက်ပဲဖြစ်မလား၊ တိတိကျကျ မကြေညာသေးဘူး” ဟု စာတမ်းဖတ်ပွဲ တက်ရောက်လေ့လာနေသူ မိမိုးမိုးက ပြောသည်။

ယင်းစာတမ်းဖတ်ပွဲကို နိုဝင်ဘာလ ၃၀ ရက်နေ့မှ ဒီဇင်ဘာလ၂ ရက်နေ့အထိ ၃ ရက်တိတိ ကျင်းပမည်ဖြစ်ပြီး စာတမ်းပေါင်းအစောင် ၄၀ ကျော်အား ပြည်တွင်း၊ ပြည်ပမှ ပညာရှင် ၆၀ ကျော်တက်ရောက် ဆွေးနွေးကြ မည်ဟု သတင်းစာများ ကြေညာအသိပေးခဲ့ပြီး ဖြစ်သည်။

ယနေ့စာတမ်းဖတ်ပွဲအဖွင့်တွင် ဒေါက်တာချစ်စံဝင်းက မိန့်ခွန်းပြောကြားပြီး သဘာပတိအဖြစ် ဒေါက်တာမျိုးသန့်တင့်က ဆောင်ရွက်သည်။

သမိုင်းသုတေသနဌာနမှ အငြိမ်းစား လက်ထောက် ညွှန်ကြားရေးမှူး (အမျိုးသားပြတိုက် နှင့်စာကြည့်တိုက်) ဦးစံဝင်းက ပျူယဉ်ကျေးမှုဆိုင်ရာ ဆက်စပ် အထောက်အထားများနှင့် နောက်တွေ့အထောက်အထားများအား ရှေ့ဟောင်းသုတေသန နည်းဖြင့် လေ့လာခြင်းစာတမ်းကို ဖတ်ကြားခဲ့သည့်အပြင် အငြိမ်းစားလျှပ်စစ် အင်ဂျင်နီယာချုပ် ဦးဘိုခင်ဦးနှင့် ဦးဝင်းမောင် (တမ္ပဝတီ)တို့ကလည်း နံနက်ပိုင်းတွင် ပျူနှင့်ပတ်သက်သော စာတမ်းများဖတ်ကြားခဲ့သည်။

“မွန်သမိုင်းနဲ့ဆန့်ကျင်ဖက်ဖြစ်နိုင်တဲ့ စာတမ်းတွေဖတ်ကြားမယ့်ပုံမပေါ်ဘူး၊ ဒီမွန်းလွဲပိုင်းမှာ မွန်အမျိုးသား နိုင်ရဲဇော်က မွန်တို့နှင့်ပတ်သက်ဆက်နွယ်သော ပျူစာတမ်းများ ခေါင်းစဉ်နဲ့စာတမ်းကိုဖတ်ကြားမယ်၊ ဒါက ဘုန်းတင့်ကျော်ရဲ့သမိုင်းရေးသားချက်တွေကို ပြန်လည်ချေပတဲ့စာတမ်းလို့ သိထားရပါတယ်” ဟု မိမိုးမိုက ဆက်ပြောသည်။

ဘုန်းတင့်ကျော်၏ ပျူသမိုင်းဆိုင်ရာရေးသားချက်များတွင် အောက်မြန်မာနိုင်ငံရှိ မွန်ဒေသများသို့ ပျူများအ စောဆုံးဝင်ရောက်ခဲ့ကြောင်း သူ၏ရေးသားတင်ပြချက်များကြောင့် သမိုင်းဆိုင်ရာအငြင်း ပွားမှုများ မကြာခဏဖြစ်ပေါ်ခဲ့သည်ဟု မွန်သမိုင်းသုတေသီတစ်ဦးဖြစ်သည့် အမျိုးသားမှတ်တမ်းများ မော်ကွန်းတိုက်ဦး စီးဌာန အငြိမ်းစားညွှန်ကြားရေးမှူး နိုင်မောင်တိုးက ပြောသည်။

အဆိုပါ ပျူစာတမ်းဖတ်ပွဲတွင် မွန်တို့၏သမိုင်းကြောင်းများကို ဆေးဆိုးအရောင်ပြောင်းမည့် လုပ်ဆောင်ချက် များ ရှိခဲ့ပါလျှင် မွန်ပြည်သစ်ပါတီ၊ မွန်ဒေသလုံးဆိုင်ရာဒီမိုကရေစီပါတီ၊ မွန်ဒီမိုကရေစီပါတီတို့ကဦးဆောင်ပြီး ဖြေရှင်း သွားမည်ဟု ယမန်နေ့ကျင်းပသော မော်လမြိုင်မြို့ မွန်လူထုအစည်းအဝေးတွင် မွန်ပါတီခေါင်းဆောင် များက အသိပေးပြောကြားခဲ့သည်။

မွန်ဒေသအောက်မြန်မာပြည်သို့ ပျူလူမျိုးတို့အစောဆုံးဝင်ရောက်ခဲ့သူများဖြစ်ကြောင်း ဖော်ပြသည့် ဒေါက်တာချစ်စံဝင်းရေးသားထုတ်ဝေခဲ့သော“‘မြန်မာ့ဘူမိဖြစ်စဉ်နှင့် ပျူတို့၏ရှေးဦးမြို့ပြနိုင်ငံအခင်းအကျဉ်း” စာအုပ်တွင် သုဝဏ္ဏဘူမိ (သထုံ) ကို သထုံပျူမြို့၊ ဝင်းကပျူမြို့ဟု ဆိုပြီး တကောင်း၊ ဟန်လင်း၊ ဗိဿနိုး၊ သရေခေတ္တရာ၊ ဓညဝတီ အစရှိသည်တို့သည်လည်း ပျူမြို့ပြနိုင်ငံကြီးများ ဖြစ်သည်ဟုဖော်ပြခဲ့ခြင်း ဖြစ်သည်။

မွန်ဒီမိုကရေစီပါတီ ဒုဥက္ကဌ(၂) နိုင်တင်အောင်က “ မနေ့က လူထုအစည်းအဝေးပွဲမှာ မွန်တစ်မျိုးသားလုံးရဲ့ ဂုဏ်သိက္ခာကို ထိခိုက်စေတဲ့လုပ်ရပ်တွေကို အခုရော နောင်ရော ဆက်မလုပ်ဖို့ အာဏာပိုင်တွေကပိတ်ပင် ပေးပါလို့ ကျနော်တောင်းဆိုခဲ့တယ်” ဟု ပြောသည်။

မွန်တိုင်းရင်းသားတို့ကန့်ကွက်တောင်းဆိုနေမှုကြောင့် နိုဝင်ဘာ ၂၅ ရက်နေ့တွင် ပြည်သူ့လွှတ်တော်ဥက္ကဌ သူရဦးရွှေမန်း မွန်ပြည်နယ်မြို့တော် မော်လမြိုင်သို့ရောက်ခဲ့စဉ် ၄င်းပျူလူမျိုးနှင့် ပျူနိုင်ငံတော်စာတမ်း ဖတ်ပွဲကို ပိတ်ပေးမည်ဟု ကတိပေးပြောကြားခဲ့သည်။

http://burmese.bnionline.net/index.php/news/imna/12279-2012-11-30-16-44-27.html

ပုဂံချစ်တဲ့ ဆရာကြီးလု(စ်)


ဘ၀ရုပ်ပုံလွှာ (၁၁)
ပုဂံချစ်တဲ့ ဆရာကြီးလု(စ်)
တင်မိုး
`ငါသေခဲ့ရင် ငါ့အလောင်းကိုပြာချပြီး ငါ့အရိုးပြာကို အုတ်ဂူကလေးတခု လုပ်ပေးပါ။ ငါချစ်တဲ့ ပုဂံမြေမှာ အုတ်ဂူကလေး တည်ပြီးတော့ ပုဂံကို အရူးအမူးချစ်တဲ့ လူတယောက် လို့ ကမ္ဗည်းထိုးပေးပါ ချစ်တပည့်´

လို့ စာရေးပြီး မှာသွားရှာတဲ့ လွမ်းစရာ ပုဂ္ဂိုလ်တဦးကတော့ အင်္ဂလိပ်လူမျိုး ကဗျာဆရာကြီး၊ သမိုင်းပါမောက္ခကြီး ဂျီအိပ်ခ်ျလု(စ်) ဆိုတဲ့ ပုဂ္ဂိုလ်ကျော်ကြီးပါ။


(Professor G.H. Luce) 

၁၉၆၂ ခုနှစ်မှာ ဗိုလ်နေ၀င်းက လူထုရွေးကောက်တင်မြှောက်တဲ့ ဦးနုအစိုးရကို စစ်တပ်နဲ့အာဏာသိမ်းခဲ့တယ်။ နိုင်ငံခြားသား တွေကို နှင်ထုတ်ခဲ့တယ်။ အဲဒီ အနှင်ခံနိုင်ငံခြားသားတွေထဲမှာ သတိုးသီရိသုဓမ္မာ ဂျီအက်စ် ဖာနီဗယ် ဆိုတဲ့ ဘောဂဗေဒ ပညာရှင်၊ စာပေပညာရှင်၊ အိုင်စီအက်စ်ဘွဲ့ရ ကြေးတိုင်မင်းကြီးဟောင်းနဲ့ ဂျီအိပ်ခ်ျလု(စ်) တို့လဲ ပါသွားပါတယ်။

ဖာနီဗယ်နဲ့ လု(စ်) တို့နှစ်ယောက်ဟာ အင်္ဂလိပ်လူမျိုးဖြစ်ပေမယ့် မြန်မာလူမျိုး၊ မြန်မာစာပေ၊ မြန်မာ့ဂီတနဲ့ မြန်မာ့ယဉ်ကျေး မှုကို ချစ်ပြီး မြန်မာ့အကျိုးကို ရာသက်ပန်ထမ်းရွက်ခဲ့တဲ့ ပုဂ္ဂိုလ်တွေဖြစ်ပါတယ်။

အင်္ဂလိပ်ဆိုတိုင်း ကိုလိုနီနယ်ချဲ့သမားမဟုတ်သလို ထိုပုဂ္ဂိုလ်တွေကလဲ နယ်ချဲ့သမားတွေနဲ့မပေါင်း၊ သူတို့ မျက်နှာဖြူတွေ ချည်းသာ ၀င်ခွင့်ရတဲ့ ပဲခူးကလပ်ကိုမသွား၊ မြန်မာတွေနဲ့ပဲ ချစ်ချစ်ခင်ခင်ပေါင်းသင်းဆက်ဆံပြီး မြန်မာနိုင်ငံရဲ့ အရေးကိုသာ နှစ်ပေါင်းများစွာ အကျိုးဆောင်ခဲ့ကြသူများ ဖြစ်ပါတယ်။

ဆရာကြီး လု(စ်) ကတော့ မြန်မာနိုင်ငံ ပုဂံမြေမှာပဲ ခေါင်းချ၊ ပုဂံရဲ့ ထာဝရချစ်သူအဖြစ်နေတော့မယ်လို့ ဆုံးဖြတ်ထားသူပါ။ အခုလို ဆရာကြီးနှစ်ဆူဟာ သူတို့ချစ်တဲ့မြေနဲ့ မျက်ရည် တ၀ဲဝဲ ခွဲခွာသွားရတဲ့အတွက် အသဲနှလုံး ကြိမ်မီးအုံး ခံစားခဲ့ရရှာ ပါတယ်။

ဆရာလု(စ်)ဟာ တကယ့် သမိုင်းပါရဂူကြီးပါ။ နှစ်ပေါင်း ၄၀ ကျော် ပုဂံဘုရားကြို ဘုရားကြား ကျောက်စာချပ်တွေအကြားမှာ တိုးဝင်ပြီး ပျူစာ၊ မွန်စာ၊ ပါဠိစာတွေဖတ်ပြီး သမိုင်းသုတေသန လုပ်ခဲ့တဲ့ပညာရှင်ပါ။ တရုတ်ရှေးဟောင်းစာတွေဖတ်ပြီး မြန်မာတို့လာရာလမ်းကို စူးစမ်းရှာဖွေခဲ့သူလဲဖြစ်ပါတယ်။ ကိုယ်တိုင်လဲ နိုင်ငံအနှံ့ ခြေဆန့်ပြီး ကွင်းဆင်း သုတေသနပြုခဲ့တဲ့ အံဖွယ်သူရဲပညာရှင်သုတေသီကြီးပါ။

သူရေးခဲ့တဲ့ Old Burma Early Bagan ဆိုတဲ့ စာမျက်နှာထောင်ကျော်ရှိ သုတေသနစာအုပ်ကြီးအပြင် မှန်နန်းရာဇ၀င် အင်္ဂလိပ်လိုပြန် (ဖေမောင်တင်နဲ့တွဲဖက်)၊ မြန်ဘာသာလေ့လာချက် (ရွှေဇံအောင်သို့ပေးစာ)၊ ပုဂံစေတီပုထိုးများအကြောင်း၊ မြန်မာနိုင်ငံအရည်းနှင့် မြောက်ပိုင်းဗုဒ္ဓဘာသာဆိုတဲ့ ပါမောက္ခဒူရွိုင်ဆယ်ရဲ့ ဆောင်းပါးဝေဖန်ချက်၊ ပုဂံဂူငယ်များအကြောင်း၊ ပုဂံရွှေဂူကြီးကျောက်စာ (အင်္ဂလိပ်ဘာသာဖြင့် ဘာသာပြန်)၊ ကဗျာစရိယ၀ိဝံသစာတမ်းခေါ် မြန်မာစာဆိုတို့အကြောင်း (အင်္ဂလိပ်ဘာသာပြန်)၊ တကောင်းရာဇ၀င်ဘာသာပြန် (ဖေမောင်တင်နှင့် တွဲလျက်)၊ ဒူရွိုင်ဆယ်၏ ဖိုးဝန်းကျောက်ဂူများ အကြောင်း စာတမ်းဝေဖန်ချက်၊ တော်စိန်ခို၏ အမရပူရစကားကျောင်းများအကြောင်း စာတမ်းဝေဖန်ချက်၊ ၁၆ ရာစုမှ ၁၉ ရာစုအထိ မြန်မာနှင့် ယိုးဒယား စစ်ပွဲများ (မှန်နန်းမှ ကောက်နှုတ်၍ အင်္ဂလိပ်ဘာသာပြန်)၊

မြန်မာတလိုင်းရာဇ၀င်တို့ နှိုင်းယှဉ်လေ့လာချက်၊ (ဟာလီဒေး၏ အချက်အလက်တို့ကို စိစစ်ချက်)၊ မြန်မာ့အိမ်နီးနားချင်းနိုင်ငံများ (တရုတ်မှတ်တမ်း ဘာသာပြန်များ)၊ ၁၈ ရာစုက မြန်မာနိုင်ငံသို့ တရုတ်များ ကျူးကျော်လာပုံ၊ ရှမ်းပြည်တောင်ပိုင်းလက်အောက်ရှိ ဘုရားတဆူ၊ ပျူတို့အမည်၊ ပုဂံကျေးဇူး၊

မြန်မာတို့ဆုတောင်းခန်း၊ ခေတ်ဟောင်း ပျူတို့အကြောင်း၊ ခေတ်ဦးမြန်မာ့စီးပွားရေး၊ ပုဂံခေတ် မွန်များအကြောင်း စတဲ့ အဖိုးတန် သုတေသနစာတမ်းတွေကို မြန်မာနိုင်ငံသုတေသနအသင်းဂျာနယ် (JBRS) များမှာ အဆက်မပြတ်ရေးသားခဲ့ပါတယ်။


မြန်မာနိုင်ငံသမိုင်းကို ကျောက်တိုင်လို ခိုင်ခံ့တည်တံ့အောင် နှစ်ပါင်းများစွာ ကိုယ်မအားစိတ်မအား ကြိုးစားခဲ့တဲ့ အားထုတ်မှု များစွာဟာ အံ့ဘနန်းပါ။

သူချစ်တဲ့ ပုဂံမြေကို ဒုတိယကမ္ဘာစစ်အတွင်းက မဟာမိတ်တပ်တွေက ဗုံးကြဲမီးလောင်တိုက်သွင်းဖို့ ကြံစည်နေခိုက် ဆရာလု(စ်)က ဒေလီမဟာမိတ်စစ်ဌာနချုပ်သို့ စာရေးမေတ္တာရပ်ခံခဲ့တဲ့အတွက် ပုဂံစေတီ ယဉ်ကျေးမှုအမွေအနှစ်တွေ ကမ္ဘာစစ်မီးလျှံမှ လွတ်မြောက်ခွင့်ရခဲ့ပါတယ်။

ဒီအကြောင်းကို ဆရာမင်းသုဝဏ်က `ပုဂံနှင့်ဝေဠု´ဆိုတဲ့ ကဗျာဖွဲ့ပြီး ဂုဏ်ပြုခဲ့ဖူးပါတယ်။
ပုဂံနှင့် ဝေဠု
ငါတို့ခေတ်တွင် စစ်ကြီးကမ္ဘာ
လောင်ကျွမ်းလာ၍ ရေမှာကုန်းမှာ
ကောင်းကင်မှာ၌ လွတ်ရာမရှိ
မီးလျှံညိက အမိကိုတ
အဖကိုတမ်း ကိုယ်စိတ်နွမ်း၍
မချမ်းကြည်နိုင် လက်ချမှိုင်စဉ်
မဏ္ဍိုင်မေရု ခံမြို့ပြုသို့
ဝေဠုဆရာ တားမြစ်ပါသော်
ပေါက္ကာရာမ ဘေးမခဘဲ
မြန်မာ့ဂုဏ်ရောင် ထွင်းလင်းပြောင်သည်
ငါးထောင်တည်မည့် နိမိတ်တည်း … တဲ့။

ဒီရွေ့ဒီမျှ မြန်မာ့ကျေးဇူးကို အားနဲ့မာန်နဲ့ ဆောင်ရွက်ခဲ့တဲ့ သုခမိန်ကြီးကို ကျွန်တော်တို့က ကျေးဇူးသိသိနဲ့ အလေးပြုရုံ မျှမက သူချစ်တဲ့ ပုဂံမြေမှာ ကျောက်ရုပ်စိုက်ထူပြီး ဂုဏ်မပြုအပ်ပါလားလို့ မေးလိုက်ချင်လှပါတော့တယ်။ ။

တင်မိုး

ဒီ ပိုစ်ကို ဧရာဝတီ အင်တာနက် မဂ္ဂဇင်းမှ တိုက်ရိုက် ကူးယူဖော်ပြပါတယ်။
မူရင်း http://www.irrawaddy.org/bur_Joomla_1.5.8/bawa2007/February/feb_09_2007.html