မြန်မာအစ

by Aung Zaw Bo on Tuesday, March 5, 2013 at 6:21pm ·

မြန်မာအစ
ဦးဘမော် (မန္တလေးတက္ကသိုလ်)

 ၁၉၈၅ ခု ဇန်ဝါရီလထုတ် ငွေတာရီ မဂ္ဂဇင်းတွင် ဖော်ပြခဲ့ဖူးတဲ့၊ မန္တလေးတက္ကသိုလ် ဘူမိဗေဒဌာနမှ တွဲဖက်ပါမောက္ခ ဆရာကြီးဦးဘမော် ရဲ့ မြန်မာအစဆောင်းပါးကို၊ ဖတ်မိတာမို့၊ ကူးယူဖော်ပြ လိုက်ပါတယ်ခင်ဗျား။

 

မြန်မာအစဆောင်းပါး ဆောင်းပါးရဲ့ ငွေတာရီမဂွဇင်းစာမျက်နှာသရုပ်ဖော် ပန်းချီဆရာကို၊ ခေါါတ်ကာလအရ၊ ကောက်ကြောင်းပုံစံ Style အရကြည့်မယ်ဆိုရင် ဆရာမောင်မောင်သိုက်၊ ဆရာကျော်သောင်း၊ ဆရာမောင်ကျော်ညွန့်တို့နဲ့ ခေါါတ်ပြိုင် ဆရာတင်လှဝင်းထင် လို့ထင်ပါတယ်။ ဆရာဝသုန် ဆွဲလေ့ရှိတဲ့ ကောက်ကြောင်းပုံစံ Style နဲ့ အရောင်သဘောတရားအရ၊ အနည်းငယ်ကွဲပြား နေလို့ အခုလို ယူဆမိတာပါ။ မဂွဇင်းစာမျက်နှာသရုပ်ဖော် ပန်းချီနဲ့ ဆရာကြီးဦးဘမော် ရဲ့ ဆောင်းပါးအရ ၁၉၈၅ လောက်မှာ၊ မြန်မာလူမျိုး Fossil Geologist ရုပ်ကြွင်းဆိုင်ရာ ဘူမိဗေဒ ပညာရှင်တွေဟာ သမိုင်း၊ မနုဿဗေဒ နဲ့ ဒဿနိကဗေဒဆိုင်ရာ အယူအဆတခုကိုရှာဖွေခဲ့တယ်လို့ယူဆရပါတယ်။

မြန်မာနိုင်ငံ၌ တိုင်းရင်းသားလူမျိုးများဖြစ်ကြသော မြန်မာ၊ မွန်၊ ကချင်၊ ရှမ်း၊ ကရင်တို့ဖြစ်ပေါ်လာပုံ အကြောင်း ကို လွန်ခဲ့သော အနှစ် ၆၀လောက်ကပင် အစဉ်တစိုက် သမိုင်းပညာရှင် သုတေသီတို့များက ဖော်ထုတ်ခဲ့ကြသည်။ ၎င်းတို့မှာ ဟာဗေး၊ စကော့၊ မေဆင်၊ မာရှယ်၊ ဟန်တား၊ ဖရေဇာ၊ ဟာနီဘောခရစ်တီရင်၊ လူးဝစ်၊ ဖေမောင်တင်၊ ဟောလ်၊ ကေလစ်၊ မောင်မောင်၊ ဂျွန်စတုန်း၊ တရက်လာ၊ လုစ် အစ ရှိသူတို့ဖြစ်သည်။ ၎င်းတို့က တညီတညွတ်တည်းလိုပင် အိမ်နီးချင်းနိုင်ငံများဖြစ်ကြသော အိန္ဒိယ၊ မွန်ဂို၊ တရုတ် အစရှိသည့် တိုင်းပြည်အမျိုးမျိုးမှ ၀င်ရောက်လာကာ နေထိုင်ကြသည်ဟု အဓိပ္ပာယ်ရရှိသော “ရေကြည်ရာ၊ မြက်နုရာ ရွေ့လျားသွားလာ နေထိုင်သည်ဟူသော အယူအဆ” ကိုပထမဆုံး ဖော်ထုတ်ခဲ့ကြသည်။

ဤပုဂ္ဂိုလ်ကြီးများ တင်ပြခဲ့သည့် အယူအဆသည် သမိုင်းဘာသာရပ်ဆိုင်ရာ သက်သေအထောက်အထားများ ဖြစ်ကြသော စေတီဘုရား၊ ကျောက်စာ၊ ဝေါဟာရစကား၊ ဓလေ့ထုံးတမ်းများဖြင့် တင်ပြခြင်း၊ ထိုပုဂ္ဂိုလ်ကြီးများသည် အရင်းရှင်လွှမ်းမိုးချိန် တင်ပြချက်များဖြစ်ခြင်း၊ နိုင်ငံခြားဂျာနယ်များ၌ ယင်းပုဂ္ဂိုလ်တို့၏ရေးသားတင်ပြချက်များကို တရားဝင်ရေးသား ပုံနှိပ်ထုတ်ဝေခွင့်ရခြင်း၊ မြန်မာပညာရှင်တို့သည် ယင်းပုဂ္ဂိုလ်များ၏ ရေးသားဖော်ပြချက် များကို ပြန်လည်ချေပနိုင်သော ခိုင်လုံသည့်သက်သေ အထောက်အထားများ မတွေ့သေးခြင်း၊ များစွာသောထိုပညာရှင် များကလက်ခံလာခဲ့သော အယူအဆတစ်ခုကို ပစ်ပယ်ရဲသော သတ္တိအားနည်းခြင်း စသော အကြောင်းများကြောင့် “မြန်မာတို့သည် တိုင်းတပါးမှ ၀င်ရောက်လာပါသည်” ၊“မြန်မာအစ တကောင်းက” နှင့်၊ “မြန်မာအစ ကျောက်ဆည်က” စသည့် အဆိုပြု ချက်များ ပေါ်ပေါက်လာခဲ့သည်။

ယင်းအယူအဆများကို မိမိတို့နှင့် နီးစပ်ရာ ပုဂ္ဂိုလ်များဖြစ်သည့်အတိုင်း ရှေးနှစ်ပေါင်းအတော်ကြာကာလမှ ယနေ့အထိစွဲမြဲစွာ ယုံကြည်ခြင်း၊ အခြားတင်ပြချက်ပေါ်လာပါက နိုင်ထက်ကလူပြုကာ အကျောက် အကန် အရှိန်အ၀ါပြ၍ ငြင်းပယ်ခြင်း၊ ပြက်ရယ်ပြုခြင်း၊ လက်မခံနိုင်လောက်သော ဆင်ခြေပြု၍ ငြင်းချက်ထုတ်ခြင်းတို့ဖြင့် အချိန်အတော်ကြာသည်အထိ ဤအယူအဆကို ထိန်းသိမ်းလက်ခံခဲ့ကြပါသည်။

ယခုတင်ပြမည့် “မြန်မာအစ သမိုင်းမတိုင်မီက” အယူအဆသစ်သည် ဘူမိသိပ္ပံနှင့် မနုဿဗေဒ ရှုထောင့်မှ တွေ့ရှိလေ့လာထားချက်များကို အများပြည်သူ ရှင်လူအပေါင်းနှင့်တကွ ကျောင်းသားလူငယ်များကို ရှုထောင့်နှစ်မျိုးမှ အမြင်ကြည်လင်စွာဖြင့် ခံယူချက်အမှန်ရောက်အောင် ရည်သန်လျက် ရေးသားတင်ပြပါသည်။ ဤတင်ပြချက်တွင် ပထမဦးစွာ တင်ပြခဲ့သော ပညာရှင်များ၏ တင်ပြချက်နှင့် ယခုစာရေးသူ၏ အသစ်တွေ့ရှိချက်နှင့် ဆွေးနွေးတင်ပြချက်များကို စာရှုသူတို့ ဖတ်ရှုနှိုင်းချိန်နိုင်ရန် ရေးသားထားပါသည်။

Primate crania၊ အဆင့်မြင့်လူနှင့် လူဝံမျိုးနွယ် ပရိုင်းမိတ်

ပုံတောင် ဂျီးယား ကော်တာရိုင်း

မြန်မာလူမျိုး တိုင်းရင်းသားများ ပေါက်ဖွားဖြစ်ပေါ်ပုံဆင့်ကဲဖြစ်စဉ်ကို ဆက်လက်တင်ပြပါမည်။ မြန်မာနိုင်ငံ ပုံတောင်ဒေသ ယခုတွေ့ရသော အဆင့်မြင့်လူနှင့် လူဝံမျိုးနွယ် ပရိုင်းမိတ်၊ ပုံတောင် ဂျီးယား ကော်တာရိုင်း နှင့် အင်ဖီပိသိကပ်မိုးကောင်းဂျင်းနစ် တို့တွေ့ရှိရာဒေသဖြစ်သည်။ ဒေသ၏ ဘူမိသက်တမ်းသည် နှစ်ပေါင်းသန်း (၄၀) ခန့်က ဖြစ်၍ ကမ္ဘာပေါ်၌ အဆင့်မြင့်ပရိုင်းမိတ်အမျိုးအစားကို နှစ်အစောဆုံး တွေ့ရသည့် တစ်ခုတည်းသော နိုင်ငံသည် မြန်မာနိုင်ငံသာဖြစ်ပါသည်။ ဘူမိသက်တမ်း နှစ်ပေါင်းသန်း (၄၀) ခန့်မှ မွန်ဂိုလီးယားနိုင်ငံ၌ မြန်မာနိုင်ငံပုံတောင်မှ တွေ့ရသောကျောရိုးရှိ သတ္တ၀ါအုပ်စု၊ ရေမြင်း၊ ကြံ့၊ မိချောင်း အစရှိသည်တို့ကိုတွေ့ရသော်လည်း အဆင့်မြင့် ပရိုင်းမိတ်တို့ကိုမူ မြန်မာနိုင်ငံ ကဲ့သို့မတွေ့ရချေ။ ပုံတောင်သာလျှင်တစ်ခုတည်းသော လူဝံနှင့် လူမျိုးနွယ် အဆင့်မြင့် ပရိုင်းမိတ်တွေ့ရှိရာဒေသ ဖြစ်ပါသည်။





ထို့ကြောင့် လူ၊ မျောက်ဝံ၊ လူဝံတို့၏ အဆက်အနွယ်မှ ပေါက်ဖွားဆင်းသက်လာခဲ့ကြပုံအတိုင်းအစီစဉ်ဖြင့် ဖော်ပြရမည်ဆိုပါလျှင် ပရိုပလိုင်ယိုပိသိကပ်၊ အီဂျစ်တိုပိသိကပ်၊ ဒရိုင်ယိုပိသိကပ်၊ ရာမာပိသိကပ်၊ စီဗာပိသိကပ်၊ သြစတြေးလိုပိသိကပ်၊ ဂျိုင်ဂင်တိုပိသိကပ်၊ ဟိုမိုအီရက်တပ်၊ ဂေါ်ရစ်လာ နှင့်လူ ဟူ၍ အသီးသီးကွဲပြား၍ ဖြစ်ကြပါသည်။

ယင်းတို့၏စတင်ပေါက်ဖွားသော အခြေခံအစပျိုးသည့် အဆင့်မြင့်ပရိုင်းမိတ်မျိုးမှာ ပုံတောင်ဂျီးယားနှင့် အင်ဖီပိသိကပ်တို့ဖြစ်ကြပါသည်။ မြန်မာနိုင်ငံ ရွှေမြင်တင်တောင်ပေါ်ရှိ နွယ်ခွေ ကျေးရွာအနီး၌ လူရိုး ကျောက်ဖြစ် ရုပ်ကြွင်းဖြစ်သည့် အံသွား၊ ရှေ့အံသွားနှင့် အပေါ်မေးရိုးတွဲလျက်အနေအထားအတိုင်း တွေ့ရှိခြင်းသည် “လူဆင့်ကဲဖြစ် စဉ်၌ ဦးစောပိုင်းနှင့် နှောင်းပိုင်းဆက်နွယ်မှုကိုစတင်တွေ့ရခြင်းဟု ဆိုနိုင်ပါသည်။



ဤတွေ့ရှိထားသောလူကျောက်ဖြစ်ရုပ်ကြွင်းကို “ဘားမားမင်း” ဟုအမည်မှည့်ခေါ်ထားပါသည်။ ဤ ဘားမား မင်းသည် “ပီကင်းမင်း” တို့နှင့် တချိ်န်တည်းလောက်ကပေါ်ပေါက်လာနိုင်သည်။ ဤနွယ်ခွေ ဒေသမှကျောက်ဖြစ် ရုပ်ကြွင်းများသည်း ပီကင်းလူတွေ့ရှိသော တရုပ်ပြည် ဇောင်ဂိုဒီယမ် ကျောက်လိုဏ်ဂူ၌တွေ့ရသော နွား၊ ခွေး၊ သမင်နှင့် ချေတို့၏ ကျောက်ဖြစ်ရုပ်ကြွင်းနှင့် ထပ်တူထပ်မျှ တူညီ နေသည်ကို တွေ့ရပါသည်။ ဤတွေ့ရှိချက်များသည် နှိုင်းယှဉ်လေ့လာမှုအတွက် အထောက်အထားဖြစ်ပါသည်။

ဆက်လက်၍ ယခုတင်ပြလိုသည်မှာ မြန်မာနိုင်ငံ၌ တွေ့ရှိခဲ့သော အခြေခံအဆင့်မြင့် ပရိုင်းမိတ်အမျိုးအစား ကို တရုတ်ပြည်၌မတွေ့ရသေးသဖြင့် လူ၏ဆင့်ကဲဖြစ်စဉ်စတင်ရာဒေသသည် မြန်မာနိုင်ငံသာ ဖြစ်မည်ဟု ကောက်ချက် ချရပါမည်။ ထို့ကြောင့်မြန်မာသည် မွန်ဂိုတရုတ်နွယ်မှ ဆင်းသက် လာခြင်းမဟုတ်ပဲ မွန်ဂိုတရုတ် အစရှိသည့်လူမျိုးများ သည်ပင် မြန်မာနိုင်ငံမှ ယင်းဒေသများသို့ ရေကြည်ရာ၊ မြက်နုရာ ရွှေ့သွား နိုင်စရာ အကြောင်းရှိပါသည်။

မြန်မာနိုင်ငံအတွင်း မှီတင်းနေထိုင်ကြသော တိုင်းရင်းသားတို့ ပေါ်ပေါက်ပုံအကြောင်းနှင့် ပတ်သက်၍ သမိုင်းပညာရှင်များ၊ မနုဿဗေဒ ပညာရှင်များနှင့် ရှေးဟောင်းသုတေသန ပညာရှင်များသည် ထင်မြင်ယူဆချက် အမျိုးမျိုးကွဲလွဲခဲ့ကြသည်။ ထိုသို့ကွဲလွဲချက်များသည် သပွတ်အူကဲ့သို့ ရှုပ်ထွေးစေခဲ့ပါသည်။ ဤအခြေအနေများကို ယခုတွေ့ရှိရသော မြန်မာလူသားကျောက်ဖြစ်ရုပ်ကြွင်းက အဆုံးသတ် ဖြေရှင်းသွားပေလိမ့်မည်။ လူအများလက်ခံထား သော သမိုင်းပါမောက္ခဟာဗေး၏ မြန်မာလူမျိုးများပေါ်ပေါက်ပုံ အကြောင်းကို ပဏာမ တင်ပြပါမည်။ မြန်မာနိုင်ငံအတွင်း အစောဆုံးဝင်ရောက်နေထိုင်ခဲ့သော လူမျိုးတို့သည် “အင်ဒိုနီးရှား”လူမျိုးများဟုဖော်ပြသည်။ သို့ရာတွင် ယဉ်ကျေးမှု အထောက်အထားမရှိဟု အဆိုရှိပါသည်။ အချိန်ကာလကြာမြင့်သည့်အခါ တရုတ်ပြည်အနောက်ပိုင်းမှ ၀င်လာသော မွန်ဂိုများ လွှမ်းမိုး၍ပျောက်ကွယ်သွားခဲ့ပါသည်။ ဤအမျိုးအနွယ်များမှ “မွန်” လူမျိုးများဆင်းသက်ပေါက်ဖွားလာသည်။

တိဘက်ပြည်အရှေ့ပိုင်းမှ လူမျိုးတစ်မျိုးသည် တောင်ကြားများကိုဖြတ်ကျော်၍ မြစ်များစီးဆင်းရာမြစ်ကြောင်း အတိုင်း မြန်မာနိုင်ငံအတွင်းသို့ ၀င်ခဲ့ကြသည်။ ဤလူမျိုးတို့သည် “တိဘက်တိုဘားမင်း” လူမျိုးများဖြစ်ကြောင်း ဟားဗေးက အခိုင်အမာရေးခဲ့သည်။ ဆက်လက်ဖော်ပြသည်မှာ ယင်းတိဘက်တိုဘားမင်းတို့သည် “သမိုင်းမတိုင်မီ နှစ်ပေါင်း ၅၀၀၀” ခန့်က၀င်ရောက်ခဲ့သည်ဟုဆိုခဲ့သည်။သို့သော်ယခုတွေ့ရသောလူ၏ကျောက်ဖြစ်ရုပ်ကြွင်းက ဤတိဘက်တိုဘားမင်းထက် နှစ်ပေါင်းသိန်းနှစ်ချီ၍ စောလျက် “ဘားမားမင်း” ရှိနေကြောင်း သက်သေအထောက်အထားအခိုင်အမာတင်ပြနိုင်ခဲ့ပြီ။ ထို့ကြောင့် မြန်မာသည် မြန်မာကစသည်။ “မြန်မာအစ သမိုင်းမတိုင်မီက” ဟုအဆိုပြုချက်သည် လုံးဝမှန်ကန်ပါမည်။။ ယခင်က ဟာဗေး၏ အရင်းရှင်ခေတ်နှင့်လျော်ညီသော ထင်မြင်ယူဆချက်များကို လူများက ယုံမှား သံသယနှင့် လက်ခံခဲ့ကြ ရပေသည်။

ဟာဗေး၏အဆိုပြုချက်ကို ဆက်လက်ရေးသားပါမည်။ “မွန်” တို့သည် ဟင်္သာတမြို့ တောင်ဘက် ဧရာဝတီ မြစ်ဝကျွန်းပေါ်ဒေသ၌ နေထိုင်ခဲ့ကြပါသည်။ တိဘက်တိုဘားမင်းတို့မှ ပျူ၊ ကရင်နှင့် ရခိုင်တို့ ဆင်းသက်ပေါက်ဖွားကြ သည်။ သက်မျိုးနွယ်မှ ချင်းနှင့် ရခိုင်တို့ ဆင်းသက်လာသည်။ ပျူတို့သည် ယခုအချိန်ပျောက်ကွယ်သွား၍ လက်ရှိ “မြန်မာ” တို့၏မူလအဆက်အနွယ်မဖြစ်နိုင်ဟု ဟာဗေးက ယူဆသည်။ ပျူလူမျိုးပျောက်ကွယ်ခြင်းဟုမယူဆသင့်ပါ။ ပျုအခေါ်အဝေါ်မှ “မြန်မာ”သို့ ပြောင်းလဲခေါ်ခြင်းသာဖြစ်နိုင်သည်။ ဘူမိဗေဒပါမောက္ခ ဒေါက်တာသိန်းအဆိုအရမူ “မြန်မာ” များသည် နှစ်ပေါင်းတစ်ထောင်ခန့်ကမှ စတင်ပေါ်ပေါက်ခဲ့သည်။ ယခုမြန်မာတိုင်းရင်းသားလူမျိုးတို့သည် ရွှေမြင်တင်တောင်မှ စတင်အစောဆုံးပေါ်ပေါက်ခဲ့သော “ဘားမားမင်း” ဟူသောအယူအဆမှာ “ပြဒါးတလမ်း သံတလမ်း” ဖြစ်ကြောင်း မှတ်ချက်ရေးသားခဲ့သည်။ မည်သို့ပင်ဖြစ်စေ ရွှေမြင်တင်တောင်မှ တွေ့သော “ဘားမားမင်း” သည် ဟာဗေး၏ တိဘက်တိုဘားမင်းထက် နှစ် ပေါင်းသိန်းသောင်းစော၍ ပေါ်ပေါက်ခဲ့သည် ဟူသောအထောက်အထားမှာ ငြင်းဆိုရန် အကြောင်းမရှိချေ။

မြန်မာများသည် မိုးခေါင်ရေရှားရပ်ဝန်းဖြစ်သော မြန်မာနိုင်ငံ အလယ်ပိုင်း ဧရာဝတီမြစ်၏၀ဲယာမြေပြန့်လွင် ပြင်ဒေသများ၌ နေထိုင်ခဲ့ကြသည်။ မြန်မာပြည်တောင်ပိုင်း ဧရာဝတီမြစ်ဝကျွန်းပေါ်ဒေသ၌ မွန်လူမျိုးတို့ မြန်မာပြည် တွင်းသို့ ၀င်ရောက်လာခြင်းမှာ မိုးခေါင်ခြင်း၊ အစာရှားပါးခြင်း၊ လူဦးရေ တိုးပွားများပြားလာခြင်း စသည်တို့ကြောင့် တဖြည်းဖြည်း မြောက်ဘက်မှ တိုးဝင်လာကြရာ ရှေးယခင်က ၀င်ရောက်နေထိုင်ခဲ့သော လူမျိုးများကိုတောင်ဘက်သို့ တဖြည်းဖြည်း ရွေ့လျား၍သွားစေသည်။ လူအုပ်စုများသည် တစ်စုပြီးတစ်စု ဆက်ကာရောက်လာကြသည်။ ဤကဲ့သို့ဝင်ရောက်လာသော အချိန်သည် ခရစ်တော်မပေါ်မီ အချိန်က စတင်မည်ဟုဟာဗေးကခန့်မှန်းတင်ပြခဲ့သည်။

၎င်း၏ အဆိုအရ ရှမ်းလူမျိုးများသည် ရှမ်းကုန်းမြင့်မှ မြန်မာနိုင်ငံမြေပြန့်အရပ်သို့ ခရစ်နှစ် (၁၃)ရာစုနှစ်တိုင် အောင်ဝင်ရောက်နေထိုင်ခြင်း မပြုချေ။ ကချင်လူမျိုးများ မြောက်ဘက်မှ တဖြည်းဖြည်း ၀င်ရောက် လာမှုကို အင်္ဂလိပ် အစိုးရက မြန်မာနိုင်ငံကိုသိမ်းပိုက်ပြီး (၁၉)ရာစု အကုန်လောက်ရောက်မှ ပိတ်ပင်တားမြစ်ခဲ့ရသည်။ ကယားလူမျိုးများ နှင့် ကရင်လူမျိုးတို့သည် ရှမ်းကုန်းမြင့်၏ တောင်ဘက် ဒေသများ၌ နေထိုင်ပြီးဖြစ်ကြသည်။

ဟာဗေး၏ဆက်လက်တင်ပြချက်မှာ မြန်မာတို့သည် လူများစုဖြစ်၍ မွန်ဂိုအဆက်အနွယ်များဖြစ်ကြသည်။ သို့ရာတွင်မြန်မာတို့၏ ယဉ်ကျေးမှု ဓလေ့စသည်တို့မှာ တရုတ်၊ မွန်ဂိုတို့နှင့်မတူချေ။ ဗုဒ္ဓဘာသာ ကိုးကွယ်ခြင်းနှင့် စာပေ၊ ယဉ်ကျေးမှုတို့သည် အိန္ဒိယနိုင်ငံ ဟိန္ဒူများနှင့် တူကြ သည်။ ကိုးကွယ်သည့်ဘာသာ၊ စကား နှင့် စာပေတို့ သည် ပါဠိနှင့် သက္ကတတို့ဖြစ်ကြ၍ ဟိန္ဒူဘာသာစကား နှင့်ဆိုင်ရာ အမည်အခေါ်ဝေါဟာရ များကို ဧရာဝတီမြစ်ဝကျွန်း ပေါ်နှင့် မြန်မာနိုင်ငံ အလယ်ပိုင်းတို့၌တွေ့ရသည်။

အိန္ဒိယနိုင်ငံမှ ဟိန္ဒူယဉ်ကျေးမှုသည် ၀င်ရောက်လာသော လူမျိုးများနှင့်အတူရောက်ရှိလာခြင်းမှာ မှန်ကန်နိုင် ပါသည်။ သို့သော်ယခုတွေ့ရသော ဘားမားမင်းကျောက်ဖြစ်ရုပ်ကြွင်းက အခိုင်အမာ ပြောပြနေသောကြောင့် မြန်မာ နိုင်ငံ တိုင်းရင်းသားတို့သည် ဤပြည်တွင်းမှာပင် စတင်ပေါက်ဖွား သူများဖြစ်ကြသည်ဟု ဆိုနိုင်ပါသည်။ ဥဿာပဲခူးအမည်သည် အိန္ဒိယနိုင်ငံ သြရစ္ဆပြည်နယ်မှ စကားအသုံး အနှုန်းဖြစ်သည်။ ထို့ကြောင့်ပဲခူးသည် အိန္ဒိယနိုင်ငံ၏ ကိုလိုနီနိုင်ငံ တစ်ခုဖြစ်ခဲ့ဘူးသည်ဟုဟာဗေးကကောက်ချက်ချသည်။ ကိုလိုနီနိုင်ငံထူထောင်ခြင်းသည် ဒေသခံလူမျိုးများကို အာဏာလွှမ်းမိုးခြင်းဖြစ်၍ မူလကပင် ဧရာဝတီမြစ်ဝကျွန်းပေါ်ဒေသတို့ကို အိမ်နီးခြင်းနိုင်ငံ၏ ယဉ်ကျေးမှုအယူဝါဒသြဇာလွှမ်းမိုးမှုခံရခြင်းကိုမူမငြင်းလိုပါ။ သို့သော် ဒေသခံလူမျိုးများသည် မြန်မာတိုင်းရင်းသားလူ မျိုးများသာ ဖြစ်ကြပါသည်။ တိုင်းတပါးသားအုပ်ချုပ်မှုကိုကား အများပြည်သူက လက်ခံဖွယ်မရှိ။

ခရစ်တော်မပေါ်မီနှစ်ပေါင်း (၂၆၀) ကအသောကမင်းလက်ထက်မှအစပြုလျက် အိန္ဒိယနိုင်ငံမှ ဗုဒ္ဓဘာသာ ထွန်းကားပြန့်ပွားမှုသည် ထိစပ် နေသော မြန်မာနိုင်ငံအတွင်းသို့သာမက တရုတ်ပြည်၊ ကမ္ဘောဒီးယား၊ လောနိုင်ငံနှင့် ယိုးဒယားတို့အထိ ရဟန်းရှင်လူများသာသနာပြုရန် ရောက်ရှိသွားကြသည်။ မြန်မာနိုင်ငံတွင်းသို့ ၀င်ရောက်ခြင်းမှာ ပထ၀ီအနေအထားအရ အာသံပြည်ဘက်မှ အနောက်ဘက် တောင်တန်းကိုဖြတ်၍ တောင်ကြားလမ်းမှ ၀င်ခဲ့ကြသည်။ အခြားလမ်းကြောင်းမှာ ဘင်္ဂလားပင်လယ်ကိုဖြတ်၍ မြစ်ဝကျွန်းပေါ်ဒေသမှ ၀င်ရောက်ခဲ့ခြင်းဖြစ်သည်။ “တလိုင်းလူမျိုး” ဟုခေါ်ခြင်းမှာ အိန္ဒိယပြည် တောင်ပိုင်းစကားအသုံးအနှုန်း တရပ်မှ ဆင်းသက်လာဖွယ်ရှိကြောင်း ဟာဗေးက ရေးသားခဲ့သည်။ “တလိုင်း” အမည်ကို ကျွန်ုပ် တို့၏ပင်ရင်းစကား “မွန်” နှင့်တွဲ၍ “မွန်”၊ “မွန်-တလိုင်း” ဟုခေါ်သောကြောင့် ဤစကားလုံးကိုဆန်းစစ်ကြည့်က ကျွန်ုပ်တို့မှာ မူလကပင် “မွန်” စကားလုံးရှိနေခြင်းသည် ခိုင်မာသောကြောင့် မြန်မာ နိုင်ငံ၌ ဒေသခံတိုင်းရင်းသားများ ရှိနေကြောင်းကို ထပ်ဆင့်တင်ပြလိုပါသည်။

ခရစ်နှစ် (၅)ရာစုလောက်တွင် ဗုဒ္ဓဘာသာထွန်းကားမှုသည် အိန္ဒိယပြည်၏ အရှေ့ဘက်နိုင်ငံများသို့ မြန်မာ နိုင်ငံအပါအ၀င် ပြန့်ပွားခဲ့သည်။ သို့သော်ဤထွန်းကားမှုသည် လူ့သမိုင်းဖြစ်စဉ် “အညာသီရံယဉ်ကျေးမှု” ခေတ်ထက် နှစ်ပေါင်းသောင်းနှင့်ချီ၍ နောက်ကျသည်။ မြန်မာ့ဘူမိသိပ္ပံပညာရှင် ကထိကဦးသော်တင့်က တင်ပြဖူးသည်မှာ မြန်မာ နိုင်ငံ၏ အညာသီရံယဉ်ကျေးမှု မြန်မာနိုင်ငံ၏ အညာသီရံ ယဉ်ကျေးမှုကာလဖြစ်သော ကျောက်ခေတ်ဦးမှသည် ကျောက်ခေတ်လယ်၊ ကျောက်ခေတ်နှောင်းနှင့် သမိုင်းတင်သည်အထိ မူလကိုပင် ယဉ်ကျေးမှုများဆက်လက်တိုးထက် ထွန်းကားနေခဲ့သည်။ လူတို့၏ နေထိုင်ရာဒေသကြီးများ၌လည်း ယခုထိပြောင်းလဲ ရွေ့လျားခြင်းမရှိ၊ အစဉ်ဆက်လက် နေထိုင်ခဲ့ကြသည်။ ဤဗုဒ္ဓဘာသာပြန့်ပွားသည့်နှစ်ထက်စော၍ နှစ်ပေါင်း ထောင်သောင်းအချိန်ကစပြီး “မြန်မာတိုင်းရင်းသား များ ပေါ်ပေါက်ခဲ့ကြောင်း” ကျောက်လက်နက်အထောက်အထားဖြင့် တင်ပြနိုင်ပါသေးသည်။ အာရှတိုက် အရှေ့တောင်ပိုင်း နိုင်ငံများသို့ ဗုဒ္ဓဘာသာ ပြန့်ပွားခြင်းကြောင့် မြန်မာနိုင်ငံသို့ တစိတ်တဒေသအားဖြင့် အိန္ဒိယနိုင်ငံ သားများဝင်လာကြလိမ့်မည်ဟု အချို့သော သမိုင်းပညာရှင်များက ဖော်ပြခဲ့ကြသည်။

ဟာဗေး၏အဆိုအရ (၉)ရာစုနှစ်လောက်တွင် မြန်မာလူမျိုးတို့သည် မြန်မာနိုင်ငံအထက်ပိုင်းနှင့် ရခိုင်ပြည်တို့ ကိုစတင်ဝင်ရောက်ခဲ့သည်။ ယင်းမြန်မာတို့သည် တရုတ်ပြည်အနောက်တောင်ပိုင်း ယူနန်နယ်မှ ၀င်ရောက်လာခဲ့ကြ သည်။ ခရစ်နှစ် ၈၃၅-ခုနှစ်တွင် မြန်မာနိုင်ငံ အလယ်ပိုင်း နှင့် အထက်ပိုင်း၌နေထိုင်သော “ပျူ” လူမျိုးတို့ကို တိုက်ခိုက် ချေမှုန်းပစ်ခဲ့သည်။ ဤအကြောင်းကြောင့် “ပျူ”လူမျိုးများပျောက်၍ “မြန်မာ” လူမျိုးပေါ်လာနိုင်သော်လည်း ဤအယူ အဆတင်ပြချက်ကို လက်ခံနိုင်စရာအကြောင်းမရှိချေ။ “ပျူ” တစ်မျိုးလုံးပျောက်ကွယ်၍ လူမျိုးတုံးသည်အထိ သတ်ဖြတ်ခံရကြောင်း ခိုင်လုံသော သက်သေ အထောက်အထား လုံးဝမရှိခဲ့ချေ။ ယခုမြန်မာလူမျိုးများသည် ယခင်က “ပျူ”လူမျိုးများ၏ သားစဉ်မြေးဆက်ဖြစ်ကြပေမည်။ “ပျူ” မှ မြန်မာသို့တဖြည်းဖြည်းအခေါ်အဝေါ်ပြောင်းလဲခြင်းဖြစ်သည်။

“ပျူ”အခေါ်ကို အသုံးနည်းပြီးပျောက်ကွယ်သွားသည်။ ကျွန်ုပ်တို့အားအခြားတိုင်းတပါးနိုင်ငံတို့က အစဉ်အဆက် လူမျိုးအမည်နာမ သတ်မှတ်ချက်မှာ ခေတ်အလိုက် ပြောင်းလဲကွာခြားခဲ့မည် ဖြစ်သော်လည်း လူမျိုးကြီးတစု၏ မျိုးနွယ် ပေါက်ဖွားသက်ဆင်းခြင်းနှင့် ပင်မယဉ်ကျေးမှုကိုကား မည်သည့် အန္တရာယ်၊ မည်သူများကမှ ဖျောက်ဖျက်နိုင်မည် မဟုတ်ပေ။ လူမျိုးစုကြီးတခုလုံး ပျောက်သွားနိုင်မှုမှာ အဏုမြူခေတ်၌ပင် မဖြစ်နိုင်ပါ။

အစောဆုံးမြန်မာလူသားပေါ်ပေါက်ပုံကို ဆက်လက်တင်ပြပါဦးမည်။ ဤထင်မြင်ယူဆချက်နှင့်ပတ်သက်ပြီး “ပလိုင်ရက်စတိုဆင်း” ရေခဲခေတ် အတွင်း မြန်မာနိုင်ငံကိုဗဟိုပြု၍ ဂျဗားနှင့် ပီကင်းတို့သို့ လူမျိုးနွယ်များရွေးသွားနိုင် ဖွယ်ရှိခဲ့ကြောင်း ဒီတားရားနှင့် ဟယ်လင်မိုးဗီးယပ် တို့ကမြေပုံအထောက်အထားဖြင့် တင်ပြခဲ့ဖူးပါသည်။ သို့သော်ထို အဆိုကိုတင်ပြစဉ်အချိန်က ကျောက်ဖြစ်ရုပ်ကြွင်းဖြင့် အခိုင်အမာ သက်သေ မပြနိုင်သဖြင့် ထိုအဆိုမှာ မထင်မရှားဖြစ်ခဲ့ ရသည်။ ယခုအချိန်၌ကား “ဘားမားမင်း” ကျောက်ဖြစ်ရုပ်ကြွင်း တွေ့ရှိထားပြီးဖြစ်သောကြောင့် အထက်ပါအဆိုကို အခိုင်အမာ လက်ခံယုံကြည် သင့်ပါသည်။

ဆက်လက်တင်ပြလိုသည်မှာ အချို့သောမြန်မာဘူမိဗေဒပညာရှင်များက ပလိုင်ရက်စတိုဆင်းခေတ်ကမြန်မာ နိုင်ငံ၌တွေ့ရသော ဘားမားမင်း၏ ဘူမိသက်တမ်း သတ်မှတ်ချက်ဖော်ပြပုံကို ယုံကြည် လက်ခံနိုင်ဖွယ်ရာ မရှိကြောင်း ငြင်းဆိုကြသည်။ အချို့သော ဘူမိဗေဒပညာရှင်များက ရေဒီယိုဓါတ်ကြွနှုန်းသတ္တိကိုသုံး၍ တိုင်းတာသင့်ကြောင်း တင် ပြဆွေးနွေးဖူးသည်။ ဘူမိအချိန်ပြဇယား၌ ပလိုင်ရက်စတိုဆင်းနှစ်သက်တမ်းကို နှစ်အရေအတွက်အားဖြင့် နှစ်ပေါင်း နှစ်သန်း (၂-သန်း)ခန့်ကြာသည်ဟုခန့်မှန်းသည်။ ဤသက်တမ်းသည်ဘူမိအချိန်ပြဇယား၌ နှစ်အနည်းဆုံး နှင့် အသက် အနုဆုံး အပိုင်းအခြားဖြစ်သည်။ ထို့ကြောင့် ဘားမားမင်းကိုသက်တမ်းသတ်မှတ်ရာ၌ ရေဒီယိုဓါတ်ကြွနှုန်းသတ္တိ တိုင်းတာခြင်းကို အထူးမပြုနိုင်မီ “ပလိုင်ရက်စတိုဆင်းသက်တမ်းအပေါ်ဆုံးအပိုင်း” ခန့်မှန်းခြေနှစ်ပေါင်း တစ်သန်းခန့် ဟုသတ်မှတ်ခြင်းသည် အမှန်ဆုံးနှင့် အသင့်လျော်ဆုံး ဖြစ်ပါသည်။

ဘားမားမင်းသည် ကျောက်ခေတ်ဦးမတိုင်မီကပင် ပီကင်းမင်းနှင့် ခေတ်ပြိုင်ပေါ်ပေါက်ခဲ့သော ဟိုမိုနစ် လူ အမျိုးအစား ဖြစ်သည်။ ဘားမားမင်းနှင့်အတူ ခွေးအံသွားကျောက်ဖြစ်ရုပ်ကြွင်း တွေ့ရသည်။ ခွေးကိုအမဲလိုက်ရန် အတွက် အသုံးပြုပြီဟု ယူဆရသည်။ သမင်၊ နွား၊ ချေ အစရှိသည့် သတ္တ၀ါတို့၏ အရိုးစု ကျောက်ဖြစ်ရုပ်ကြွင်းများကို ဘားမားမင်းနှင့် အတူတွေ့ရသည်။ ဤအရိုးစု ကျောက်ဖြစ် ရုပ်ကြွင်းများသည် ဘားမားမင်းတို့ ဖမ်းယူစားသောက်ပြီး ကြွင်းကျန်သော အရိုးများဖြစ်ကြသည်။ ဤအချက်သည် ပီကင်းမင်းကဲ့သို့ ဘားမားမင်းသည် အမဲလိုက်ခြင်း နှင့် အသက်မွေး၍ နေထိုင် ကြောင်းသိရသည်။ ပီကင်းမင်းနှင့်နေထိုင်ပုံကွာခြားသည်။ ပီကင်းမင်းသည် ဇောင်ဂိုဒီယမ် ကျောက်ဂူ၌ နေခဲ့သည်။ ဘားမားမင်းသည် ရေအလွယ်တကူရနိုင်သော ချောင်းဘေးကုန်းမြင့်ပေါ်၌ နေထိုင်ခဲ့သည်။ ကျောက်ဖြစ်နေသော အပိုင်းအစများစွာတွေ့ရသောကြောင့် ဘားမားမင်းသည် အုပ်စုဖွဲ့၍နေထိုင်ကြမည်။

ဘားမားမင်းသည် ယခုလက်ရှိမြန်မာနိုင်ငံ တိုင်းရင်းသား မြန်မာ၊ ရှမ်း၊ ကချင်၊ ချင်း၊ ကရင်၊ မွန်၊ ရခိုင်တို့၏ သမိုင်းမတင်မီ ကာလကပင် ပေါ်ပေါက်နေထိုင်ခဲ့သော လူမျိုးအဆက်အနွယ်ရင်းဖြစ်ကြောင်း မြန်မာ့ဆိုရှယ်လစ်လမ်း စဉ်ပါတီက အလေးအနက်လက်ခံယုံကြည်သည်။ ၁၉၈၃-ခု စက်တင်ဘာလ ပထမအကြိမ်ထုတ်ဝေသော “သိင်္ဂါနဒီမြန် ပြည်မြောက်ဖျားသို့” စာအုပ်စာမျက်နှာ ၆၀၃-၆၀၄ ၌ မြန်မာပြည်ဖွား တိုင်းရင်းသားများသည် အမိမြန်မာနိုင်ငံအတွင်းရှိ ဘားမားမင်းနှင့် တပြိုင်တည်း ပေါက်ဖွားခဲ့ကြသော လူမျိုးနွယ်များဖြစ်ကြောင်း တင်ပြခဲ့ပါသည်။ ထို့ကြောင့် မုံရွာမြို့နယ် နှင့် ချောင်းဦးမြို့နယ် ကြားမှ မုံရွေးကျေးရွာ၏ အရှေ့ဘက်ရှိ ရွှေမြင်တင်တောင်တန်းသည် မြန်မာလူသား ဘားမားမင်း စတင်နေထိုင်ပေါ်ပေါက်ခဲ့သော ဒေသတခုအဖြစ်မှတ်တမ်းတင်ပြီး ဖြစ်ပါသည်။ သို့ဖြစ်ရာ ကျွန်ုပ်တို့ တိုင်းရင်းသား အပေါင်းတို့သည် သမိုင်းမတိုင်မီကပင် နှစ်ပေါင်းသောင်းနှင့်ချီ၍ မြန်မာပြည်တွင်းမှ စတင်ပေါက်ဖွားခဲ့၊ နေထိုင်ခဲ့ကြသော လူမျိုးစုများ ဖြစ်ကြသည်ဟူသော အဆိုပြုချက်ကို အလေးအနက် တင်ပြပါသည်။

အထူးကျေးဇူးတင်စွာဖြင့် ကိုးကားကူးယူဖော်ပြခြင်း : မန္တလေးတက္ကသိုလ် ဘူမိဗေဒ တွဲဖက်ပါမောက္ခ ဆရာကြီးဦးဘမော်၊ Myanmar type courtesy by Ko Saw Kyaw Htike (2002, DGGL), http://www.geolfriends.com/, http://myanmartravelinformation.com, http://www.ace.hu, http://www.sacred-texts.com

မြန်မာအင်ဂျင်နီယာဖိုရမ်မှ ကိုထွန်း ကူးယူဖော်ပြထားသော ဆောင်းပါးအား တဆင့်ကူးယူဖော်ပြပါသည်..